Baı qalanyń baı ákimi

/uploads/thumbnail/20170708193041529_small.jpg

Jaqynda ǵana Almaty qalasynyń ákimi qyzmetine taǵaıyndalǵan Baýyrjan Baıbektiń jeke menshigine neler tıesili ekenin «total.kz» saıty eseptep shyǵypty.

Kóbinese Qazaqstandaǵy aýqatty januıadan shyqqandar BAQ-tyń nazarynda bolatyny qalyptasqan qaǵıdaǵa aınalyp úlgergendeı. Ásirese, VIP-tulǵalar BAQ-tyń nazarynan qashqaqtap júretinimen, ataq-dańq olarǵa mursha bermeıtini anyq. Negizinen jýrnalısıkalyq jáne adamı etıkaǵa sáıkes bireýdiń qaltasyndaǵy qarajatty sanaý ersi bolǵanymen, qyzyǵýshylyq qurǵyr ne istetpeıdi. Eger siz ben bizdiń nysanaǵa alǵanymyz bıliktiń bıik minberinde júrgen azamat bolsa tipten...

Sonymen, búgingi nysan – Almatynyń jap-jańa ákimi Baýyrjan Baıbek jáne onyń otbasy.

Saıasattaný ǵylymdarynyń kandıdaty. Memleket basshysynyń qurmet gramotalarymen birneshe márte marapattalǵan. Qurmet jáne Parasat ordenderiniń ıegeri. Munyń syrtynda Baýyrjan Baıbek myrza – «Bolashaq» baǵdarlamasy stependıanttarynyń halyqaralyq asosıasıasynyń múshesi.

Sonymen, Baıbek myrzanyń baılyǵy qansha?

2015 jyldyń sáýir aıynda Baýyrjan Baıbek myrzanyń atyna «Aray Consulting Group» kompanıasy tirkelgen. Ázirge onyń jalǵyz tizginin Baýyrjan myrzanyń ózi ustap otyr. Kompanıa Astana qalasynda jyljymaıtyn múlikterdi jalǵa berýmen aınalysady. Resmı qujattarda kompanıanyń birinshi jetekshisi – 28 jastaǵy Maqsat Rahmanqulov dep kórsetilgen eken.

Baıbektiń jary – Janar Rahmetova 1973 jyly Atyraý oblysynda dúnıege kelgen. Ákim men onyń jary – Germanıada tanysqan jáne sonda otaý qurǵan.

Baýyrjan Baıbektiń jary – «Bolashaq konsaltıńtik toby jetekshileriniń» biri. Kompanıa 2010 jyldan beri qaraı belsendi jumys istep keledi. Negizgi ǵımarattary – Astana qalasynda ornalasqan. Endi qarjylyq tólemder máselesine keler bolsaq, sońǵy 5 jylda JSHS memleket qazynasyna salyq retinde – 385 538 6 myń teńge aýdyrǵan. Mysaly, 2013 jylmen salystyrǵanda byltyrǵy jyly aýdarylǵan salyq 13 esege artyp, 25 655 teńgeden 341 973 2 myń teńgege artqan. Al bıylǵy jyly kompanıa qazynaǵa 255 871 myń teńge salyq tólegen.

Baıbek myrzanyń ata-anasy qarapaıym zeınetkerler. Onyń ákesi Qadyrǵalı Muqametámiruly Elbasynyń synyptasy ekeni týraly osyǵan deıin qazaqstandyq BAQ-ta jazylǵan bolatyn. Zeınetke deıin Qadyrǵalı aqsaqal jolaýshylar tasymaly salasynda eńbek etken. Al anasy – Altynaı Kúnǵalıqyzy Atyraý oblysynynń týmasy.

Eskere keteıik, Baýyrjan Qadyrǵalıulynyń ata-anasy 2013 jyldan bastap kásipkerlikpen aınalysady. Ákesiniń atynda JSHS: «BS «Nur Taý» ı «WoodArt» tirkelgen. Birinshisi, 2013 jyly Astana qalasynda ashylsa, dál osy ǵımarattyń janynda «Nur Taý» bınes ortalyǵy ornalasqan. Bınes ortalyqta 6 qyzmettik bólim, 3 saýda ortalyǵy, kafe, konfens-zal jáne jattyǵyý zaly ornalasqan.

Ekinshi kompanıa bıyl qurylǵan. Al Baýyrjan Baıbektiń anasynyń kapıtalynda JSHS «Ecovillage» kompanıasy 2014 jyly tirkelgen. Kompanıa qurylys salasynda qyzmetter kórsetýmen aınalysady. Sondaı-aq, JSHS «Nurly-BI» kompanıasy qyzy – Aıgúl Baıbekke tıesili bolyp shyqty. Bul kompanıa 2013-2014 jyldary memlekettik qazynaǵa salyq retinde – 11 846 6 myń teńge tólegen. Aıtpaqshy, Baıbek Baýyrjan myrzanyń qaryndasy – etnograf, ónertaný ǵylymynyń kandıdaty. Eki birdeı«Aray Fine Dining Group» (restoran bıznesi) jáne «Aray Media Group». JSHS-niń jalǵyz ıesi.