Qazaqstannyń eki azamaty Ońtústik Koreıada qaıtys boldy. Bul týraly Tengrinews.kz saıty habarlady.
Saıt málimetinshe, Ońtústik Koreıada 20 jastaǵy túrkistandyq jigit pen 50 jastaǵy nur-sultandyq áıel kóz jumǵan.
– Jas jigit 8-9 metr bıiktikten qulaǵan. Al 1970 jyly týǵan áıel aǵashtan alma terip jatqanda, satydan qulap ketken. Qazirgi tańda tergeý júrip jatyr. Osy aıdyń aıaǵyna deıin olardyń máıiti Qazaqstanǵa jetkiziledi, – deıdi "Drýzá po SNG" atty koreılerdiń halyqaralyq qoǵamdyq uıymy advokatynyń kómekshisi Meıirbek Sadyq.
Onyń aıtýynsha, Koreıada sońǵy alty aıda 6 qazaqstandyq qaıtys bolǵan.
Pikir qaldyrý