Jyn oınaqtyń ordasyna aınalǵan Astana vokzaly mańynan bir túnde júzge jýyq jezókshe ustaldy. Bul týraly "Qamshy" aqparattyq portaly 31aranǵa silteme jasaı otyryp habarlaıdy.

Polıseılerdiń bulaısha bilek sybana kirisýine qala ákimi Ádilbek Jaqsybekovtiń elordany qaıyrshylar men túngi kóbelekterden tazartyńdar degen tapsyrmasy sebep bolypty. Polıseıler bul buıryqtan soń dereý iske kirisken.

Bir aıdan beri elorda vokzaly mańyn torýyldaǵan tártip saqshylary tánin saýdalaǵan qyzdardy da, “klıent” taýyp berip júrgen jeńgetaılardy da, kelip-ketken qonaqtarǵa maza bermeıtin qaıyrshylardy da ustap jatyr.

Qoǵamdyq tártipti buzyp qolǵa túskenderdiń basym kópshiligi, tánin tabys kózine aınaldyrǵan qyzdar men kelinshekter. Quzyrly organdar bir túnde 100-ge jýyq túngi kóbelekti qamaýǵa aldy.

Uıattan órtenip, betterin basyp, aty-jónderin aıtqysy kelmegen qyzdardyń kópshiligi kelimsekter, ózbek, qyrǵyz elderinen kelgen. Qonaqúılerdegi qujynaǵan túngi kóbelekterdiń  bólmege saý etip kirip kelgen polıseılerge de etteri úırenip ketkendeı.Óıtkeni, jezókshelerdi jazalaıtyn zań bolmaǵandyqtan, ózderin bólimshege aparyp, qujattaryn teksergesin bosatyp jiberetinin jeńil júristiler jaqsy bilip alǵan. Sondyqtan da bolar kólikke de esh qarsylyqsyz minip, tek júzderin jasyryp, betterin tumshalaýmen áýre boldy.

Qyzmet kórsetken ár saǵatyna 4 myń teńgeden alatyn qyzdardy polıseıler avtobýsqa tıep alyp ketti. Biraq, jeńil júristiler tań sáride bólimsheden bosap shyǵyp, jumys oryndaryna qaıta oraldy.

Tártip saqshylary tek qoǵamdyq orynda ishimdik ishkeni úshin 40-tan astam azamatqa aıyppul saldy. Degenmen, reıdke shyǵýdy toqtatpaımyz degen polıseıler elorda vokzalyn qaıtsek te jezókshelerden tazartamyz dep otyr.