Almatydaǵy  brend kıimder satatyn dúken kıiný bólmelerinde  tutynýshylaryn jasyryn kameraǵa túsirip kelipti. Bul týraly «Qamshy» portaly  31 arnaǵa  silteme jasaı otyryp habarlaıdy

Dúkenge barǵan satyp alýshylardyń biri eki aı buryn smartfonnyń kamerasyn ventılásıalyq tesikten kezdeısoq baıqap qalady.

«Jáı ǵana joǵary qarap qalǵanda, ventılásıanyń tesiginen aıfondy kórip qaldym. Meni túsirip jatqanyn túsingende, eseńgiregen kúıge tústim. Vıdeony olardyń telefondarynan keıin taba almadyq. Olar ony óshirip tastaǵandaryn aıtty”, – deıdi dúkenniń tutynýshysy.

Mundaı áreketke  dúkendegi jas qyzmetkerler barǵan. Kompanıa  kıiný bólmesiniń joǵarǵy qabatyynda kıim qoımasy ornalasqanyn jáne sol jerden qyzmetkerleri kameramen syǵalap, vıdeoǵa túsirýge kiriskenin aıtýda. Olardyń sózine sensek, bul aǵattyq túzetilip, endigi jaǵdaı baqylaýǵa alynǵan.

“Bizdiń dúken qyzmetkerleri jastar bolǵasyn, aǵattyq jiberip qoıdy. Olar qatań jazalaý alyp, jumystan qýyldy”, – deıdi kompanıanyń rıteıl-dırektory Marına Zaıchenko.

Mundaı áreket zańǵa qaıshy sanalady jáne oǵan barǵandar 4 mln teńgege jýyq aıyppul tóleýge mindettelýi múmkin.

“Mundaı qadam úshin 2 jylǵa bas bostandyǵynan aıyrý nemese 2000 AEK kóleminde aıppul tóleý jazasy qarastyrylǵan”, – deıdi qorǵaýshy Jangeldi Súleımanov.