Brıtandyq  «The Independent» basylymy qazaqstandyq “Astana” komandasyn aýǵanstandyq  klýb dep jarıalap, keıin osy qateligi úshin keshirim surady. Al, tanymal nemis fýtbolshysy Lýkash Podolskı Qazaqstandy kelekege aınaldyrdy. Bul týraly "Qamshy" portaly  NUR.KZ -ke silteme jasaı otyryp habarlaıdy.

Basylym Manchester United-tiń sátti jáne sátsiz qarsylastarynyń tizimin jarıalaǵan. “Astana” brıtandyq komanda úshin jeńil qarsylastardyń tizimine kirdi.

Maqalada “Astana” – Aýǵanstannan Chempıondar Lıgasynyń pleı-off kezeńine ótken alǵashqy komanda dep jazylǵan.

Fýtboldan Germanıa quramasy men “Galatasaraı” klýbynyń oıynshysy Lýkash Podolskı “Borat eline” kelýge daıyn ekenin aıtyp, Qazaqstandy kelemejdedi. Monakoda Chempıondar lıgasynyń jerebe tartý rásimi aıaqtalǵan soń, Túrkıanyń “Galatasaraı” klýby “Benfıka”, “Atletıko” jáne “Astanamen” bir topqa túskeni anyqtaldy.

Osydan soń, túrkıalyq komandanyń oıynshysy “Astanany” kelemejdep, Tvıtterge atyshýly Borattyń sýreti bar jazbasyn jarıalady.

Fýtbol oıynshysy óz paraqshasyna “Asyǵa kútemin” degen syńaıda jazba qaldyrǵan.

Eske sala keteıik, Podolskı Eýropa chempıonatyna irikteý kezeńi aıasynda Astanaǵa kelip, Qazaqstan quramasyna qatysty oıyn ótkizgen bolatyn.

Gúlden Ábdibaqyt