Qazaqstan Prezıdenti Nursultan Nazarbaevtyń QHR resmı is-sapary barysynda memlekettik mańyzy bar 11 qujatqa qol qoıylǵan. Bul týraly «Qamshy» portaly total.kz-ke silteme jasaı otyryp habarlaıdy.

Qazaqstan Prezıdenti Nursultan Nazarbaev pen QHR tóraǵasy Sı Szınpınniń Beıjińdegi kezdesý barysynda eki el arasyndaǵy saýda-ekonomıkalyq, mádenı-gýmanıtarly qatynas  máselelermen qatar, qarjy jáne nesıe, ınvestısıa tartý jáne ekijaqty qatynastar talqylanǵan. Bul týraly Memleket basshysynyń baspasóz qyzmeti habarlaıǵan.

Qazaqstan Prezıdenti óz kezeginde QHR tóraǵasy Sı Szınpın myrzaǵa jyly qarsy alǵany úshin alǵysyn bildirip, eki memleket arasyndaǵy qarym-qatynastarǵa 20 jyldan assa da, ol qarqyndy damýda ekenin aıtqan. Sondaı-aq, Nursultan Nazarbaev tóraǵa myrzany jáne Qytaı halqyn  japon mıllıtarısterimen bolǵan soǵysytaǵy jeńisiniń 70 jyldyǵymen jáne qysqy «Olımpıada 2022» oıyndaryn ótkizý quqyǵyn utyp alýymen quttyqtady.

«Búgin biz Qazaqstan Prezıdenti ekeýimiz ekijaqty kelisilgen jańa deklorasıany qabyldaımyz. Bul qujat bizdiń kóp jyldardan bergi dostyǵymyzdy nyǵaıtyp, bizdiń memleketter arasyndaǵy qarym-qatynastardyń bolashaǵyna kepil bolady»,-dedi Sı Szınpın myrza. Óz kezeginde Qytaı tóraǵasy da, Qazaqstannyń Dúnıe júzilik saýda uıymyna kirýimen quttyqtap, EKSPO-2017 aıasynda kóterilip otyrǵan «jasyl tehnologıa» máselelerinde de birlesip jumystar atqarýǵa kelisken. Sonymen qatar, Memleket basshysy ekijaqty qatynastyrdy odan ári arttyrý úshin atom energetıkasy salasynda da birlesýge uıǵarym jasaǵan. Tipti, prezıdentter  Qazaqstan aýmaǵynda tómen baıytylǵan ýran bankin de ashýdy josparlap otyr.

Nursultan Nazarbaevtyń Qytaıǵa resmı is-sapary barysynda tómendegideı qujattarǵa qol qoıylǵan:

-QHR jáne QR memleket basshylarynyń eki jaqty qarym-qatynastyń jańa kezeńine baǵyttalǵan birlesken deklarasıa;

-QHR jáne QR taraptarymen ratıfıkasıalanǵan kelisim (2011 jyly 22 aqpandaǵy sottalǵan azamattarǵa qatysty);

-QR jáne QHR Úkimet basshylarynyń ındýstrıalızasıa jáne ınvestısıa máselesendegi kelisimder;

- Kazakhstan Infrastructure Fund qurylysynda AQ «NÝH «Baıterek» jáne qytaılyq «SITIK Grýpp» kompanıasynyń birlesip jumys atqarý týraly qujat;

- «Masalskıı taý-ken kombınaty» men Qytaıdyń eksport-ımport banki arasyndaǵy kelisimder;

-«Eurasian Resources Group» korporasıasy men Qytaıdyń damý banki arasyndaǵy kelisimder;

-AQ «KAZNEX INVEST» ulttyq agenttigi men  qytaılyq «Jibek joly» fondynyń arasyndaǵy memorondým;

- «Astana EKSPO-2017» UK AQ men Qytaı halyqaralyq týrızm ortalyǵynyń arasyndaǵy memorondýmdar;

QR jáne QHR Úkimetteriniń arasyndaǵy mádenı-gýmanıtarly sharalardy ótkizýdegi kelisimder;

- Astana LRT AQ men Qytaıdyń damý bankiniń arasyndaǵy kelisimder;

- Astana LRT JSHS men QHR konsorsıým kompanıasynyń arasyndaǵy ERS kelisimder.

Nurzat Toǵjan

«Qamshy» silteıdi