Almaty oblysynda perzenthanada jatqan eki áıel jańa týǵan nárestelerin aıybastyp alǵan. Bul týraly «Qamshy» portaly NUR.KZ-ke silteme jasaı otyryp habarlaıdy.

Oqıǵa kýágeri bolǵan dárigerdiń aıtýysha, Qaraqalpaqstannan kelgen áıel men Almaty oblysynyń turǵyny perzenthana palatasynda jaqsy til tabysyp ketken.  Oralman áıeldiń osyǵan deıin dúnıege ákelgen 4 uly bar eken, besinshisi de ul bolyp týylǵan. Al almatylyq áıeldiń kerisinshe, 5 qyzy bolǵan, altynshysy da qyz bolyp týylǵan. Eki áıel de jasy kelgendikten, endigi jerde bosana almaıtyndyqtaryn jaqsy túsingen.Keıin olar óz nárestelerin aıyrbastap alýǵa kelisken.

Alaıda, olardyń ótirikteri nárestege qujat alý barysynda ashylyp qalǵan. Náresteniń dúnıege kelgen sátindegi málimetterde kórsetilgenmen balalardyń jynysy sáıkes kelmegendikten, olar qujat berýden bas tartqan.

Alǵashynda kúdikti retinde dárigerler jaýapqa tartylǵanymen, keıin «áıelderdiń ózara kelisimi boıynsha bul qadamnyń jasalǵany anyqtalǵan.

Arada 9 aıdan keıin sot sheshimin shyǵarar kezde otbasylar sot tóraǵasynan bárin osylaı qaldyrýdy suraǵan. Onyń ústine olar nárestelerge baýyr basyp qalǵan.

Óz kezeginde sot tóraǵasy da,  ata-analardyń bul talaptarymen kelisken.

Nurzat Toǵjan