Sońǵy 8 jyldan beri Mańǵystaý oblysyndaǵy «Kazmortransflot» bastaýysh partıa uıymy qazaqstandyqtardy Reseıdiń birqatar oqý oryndarynda teńiz kásibiniń qyr-syryn tanyp-bilý maqsatynda óz qarjysyna oqytyp keledi.
Bastaýysh uıymnyń usynysy men bastamasy boıynsha otandastarymyz Reseıdegi «Admıral F.F.Ýshakov atyndaǵy Teńiz Memlekettik Ýnıversıtetiniń» Novorossıısk, Astrahan qalalaryndaǵy fılıaldary, Sankt-Peterbýrg qalasyndaǵy «Admıral S.O.Makarov atyndaǵy Teńiz Memlekettik Akademıasynda» teńiz kemesin júrgizý, keme qurylysy, elektromehanıka, keme jáne energetıkalyq qondyrǵylardy paıdalaný mamandyqtary boıynsha 2007 jyldan beri 117 mamandy oqytqan.
Birqatar kýrsanttarymyz ózderine júktelgen jaýapkershilikti aqtap, oqýda ozat dep te tanylyp jatyr. Mysalǵa, 2012 jyly admıral S.O.Makarov atyndaǵy «Teńiz Memlekettik Akademıasy» oqý ornynyń 4-shi kýrs kýrsanttary Serikuly Aıdyn jáne Aıtbaı Azamat «Úzdik» belgisimen marapattalǵan. Sondaı-aq Admıral F.F.Ýshakov atyndaǵy Teńiz Memlekettik Ýnıversıtetiniń Astrahan qalasyndaǵy Kaspıı fılıalynda oqıtyn 3-kýrs kýrsanty Sársenov Arman oqýynda jaqsy jetistigi úshin Alǵys hatpen marapattalǵan.
2010-2012 oqý jyldary bitirgen alǵashqy 24 túlek «Kazmortransflot» mekemesine jumysqa alynyp, qazirgi tańda jumys jasaýda. «Qazteńiztransflot» kompanıasy bastaýysh partıa uıymynyń quramynda búginde 40 adam bar. Bastaýysh uıym jetekshisi Q.Esetov usynǵan eki adam, osy baǵdarlama boıynsha oqyp kelgennen keıin, «Qazteńiztransflot» kompanıasyna tehnıkalyq damytý departamentine qyzmetke alyndy.
Olardyń ishinde «Qazteńiztransflot» kompanıasynda flotty tehnıkalyq damytý departamentiniń dırektory Bımýrzaev Serikqalı Kópshilbaıuly da bolǵan. Ol 2014 jyly Sankt-Peterbýrg qalasyna teńiz operasıalaryn ótkizýdegi qaýipsizdik máseleleri boıynsha biliktiligin arttyrý úshin oqýǵa jiberilgen edi. Aldaǵy josparlary jóninde S.Bımýrzaev: «Nur Otan» partıasynyń múshesi retinde, alǵan bilimimdi KTTF jumysshysy retinde ǵana emes, sondaı-aq asa jaýapty ári qajetti ispen aınalysatyn partıa múshesi retinde, otandyq saýda flotyn qurýǵa qoldanýǵa tyrysamyn. Elbasymyz atap ótkendeı, zamanaýı ári damyǵan memleket qurý jolynda biz árdaıym oqyp, biliktiligimizdi arttyrýymyz tıis, osy jaǵdaıda ǵana biz básekege qabiletti memleket bolyp, álemniń 30 damyǵan elderi qatarynda laıyqty orynǵa ıe bola alamyz»,- deıdi.
Osy departamenttiń bas mamany Áshimbaev Ábilseıit Abylaıhanuly da biliktiligin arttyrý maqsatynda 2014 jyly Sankt-Peterbýrg qalasyna jiberilgen bolatyn. «Biz qazirgi tańda elimiz úshin múldem jańa sala – teńiz saýda floty salasyn qalyptastyrýdyń aldyńǵy shebinde turǵanymyzdy jete túsinemiz. Biz otandyq saýda flotyn qurý isin mańyzdy partıalyq tapsyrma retinde qarastyramyz, jáne de ony sońyna deıin jetkizýge jigerimiz jetkilikti» - dep óz oıymen bólisti Á.Áshimbaev.
Aıta keterligi, «Nur Otan» partıasy 2015 jyldy bastaýysh partıa uıymdarymen tyǵyz jumys jasaý aıasynda ótkizedi. Búgingi kúni partıa qatarynda 5700 bastaýysh partıa uıymdaryna birikken 860 myń múshe bar. Árbir 9-shy saılaýshy – «Nur Otan» partıasynyń múshesi.
«Nur Otan» partıasy «Úzdik bastaýysh partıa uıymy» respýblıkalyq baıqaýyn jarıalady. Bul baıqaý partıa tarıhynda alǵash ret ótkizilgeli jatyr. Óńirlerdegi úzdik 9 BPU jeńimpaz atanatyn bolady. Saıystyń basty maqsattary – úzdik bastaýysh partıa uıymdaryn anyqtap, olardyń jumys tájirıbesin elimizdiń barlyq óńirlerine taratý, kásibı deńgeıi joǵary ári eń belsendi bastaýysh uıym tóraǵalarynyń arasynan aldaǵy ýaqytta partıalyq jáne basqa da saılanbaly qyzmetterge usyný úshin partıalyq kadrlar rezervin qalyptastyrý.
Bastaýysh partıa uıymdarynyń qyzmetimen Nurotan.kz saıtynda tolyǵyraq tanysa alasyzdar.
