Jańadan ashylǵan skeıt-park bastaýysh, orta jáne joǵary deńgeıli raıderlerge baǵyttalǵan.

Túrkisib aýdanynyń ákimi Baqytjan Aqjarov Jas Qanat shaǵyn aýdanynda skeıt-parktiń qurylysy aıaqtalǵanyn málimdedi. Onda rolıkti kónkı, skeıtbordtar men VMH velosıpedpen júrýge bolady. 

"Munda ár túrli deńgeıdegi sportpen shuǵyldanatyn jasóspirimder kóptep keledi. Ekstremaldy sport túrlerimen aınalysatyn adamdar úshin tartylys ortalyǵyn qurý ıdeıasy burynnan beri paıda boldy. «DWS Group» kompanıasynyń demeýshiliginiń arqasynda ony iske asyrýǵa múmkindik týdy", - dep jazdy aýdan ákimi facebook-tegi paraqshasyna.

Seıt-park 2 aımaqqa bólingen: strıt aımaǵy (qalalyq ortaǵa elikteý) jáne jańadan kelgen sportshylardy jattyqtyrýǵa arnalǵan kóptegen bos oryndar men jabdyqtardy usynatyn flet aımaǵy bar.

Skeıt-parktiń jasaqtalýy kórsetilim qoıylymdaryn, demo-shoýlardy, master-klasstardy, sondaı-aq jergilikti, óńirlik, respýblıkalyq jáne halyqaralyq deńgeıdegi jarystardy ótkizýge múmkindik beredi.

"Sonymen qatar, shaǵyn aýdandy belsendi kógaldandyrýdy jalǵastyrýdamyz. Búgin taǵy 100 aǵash otyrǵyzyldy. Joǵaryda aıtylǵandaı, osyǵan uqsas jumystar aýdannyń taǵy birneshe aýmaǵynda qatar júrgizilýde. Aýdanymyzdyń jasyl qoryn saqtaý jáne kóbeıtý biz úshin negizgi mindetterdiń biri", - dedi B. Aqjarov.