20 qarasha – Dúnıejúzilik balalar kúni. Konvensıany 1989 jyly Birikken Ulttar uıymynyń Bas assambleıasy qabyldaǵan edi. Osyǵan oraı, Almatyda bala quqyǵy jónindegi ombýdsmen Arýjan Saın onlaın konferensıa ótkizdi.
Ol balalardyń quqyǵy aıaq asty bolmaýy úshin júıeli ózgerister qajet ekenin aıtady. Sózinshe, 1 jyldan astam ýaqytta ombýdsmenge 500-den asa shaǵym kelip túsken. Olardyń basym kópshiligi múmkindigi shekteýli balalarǵa áleýmettik qyzmetkerlerdiń jaqsy qaramaýy, ata-analardyń alıment tólemeýine qatysty eken.
«Dúnıejúzilik bala kúni balalardyń quqyqtary týraly olardy qamtamasyz etýdegi qol jetken jetistikter men máseleler týraly habardar bolýdy arttyrýdy arnalǵan jyl saıynǵy shara. Árbir bala qorǵalýǵa, qaýipsiz ómir súrýge, onyń oqýǵa jáne óziniń daryny men múmkindikterin iske asyrýǵa barlyq jaǵdaılary bolýǵa tıis. Birikken ulttar uıymynyń bala quqyqtary týraly konvensıasyna 30 jyl. Bizdiń elimiz bul konvensıany 1994 jyly ratıfıkasıalady», – dedi QR Balalardyń quqyǵyn qorǵaý boıynsha ýákil Arýjan Saın.
