25 tamyz kúni Aqtaý qalasynyń ákimdiginde qalalyq máslıhattyń kezekten tys 33 sesıasy ótti.
Sesıanyń kún tártibi boıynsha tómendegi máseleler qaralyp, sheshimder qabyldandy:
1. Qalalyq máslıhattyń 2014 jylǵy 23 jeltoqsanyndaǵy №26/249 «2015-2017» jyldarǵa arnalǵan qalalyq búdjet týraly» sheshimine ózgerister men tolyqtyrýlar engizý.
2. Qalalyq máslıhattyń 2013 jylǵy 12 shildedegi №12/124 «Qala ákimdigi janyndaǵy búdjettik komısıasynyń derbes quramyn bekitý týraly» sheshimine ózgerister engizý týraly.
3. Jer salyǵynyń bazalyq mólsherlemelerin joǵarlatý týraly.
4. Qaladaǵy turǵyn-úı komýnaldyq sharýashylyq, áleýmettik sala jáne energetıka obektileriniń 2015-2016 jyldarǵy kúzgi-qysqy mezgildegi jumysqa daıyndyǵy týraly.
5. Qalalyq máslıhattyń 2012 jylǵy 19 shildedegi №4/46 «Jınalystar, mıtıńiler, sherýler, pıketter jáne demonstrasıalardy ótkizý tártibin qosymsha retteý týraly» sheshiminiń qoldanysyn toqtata turý týraly.
6. Qalalyq máslıhattyń 2014 jylǵy 23 jeltoqsanyndaǵy №26/252 «Aqtaý qalasy ákimdiginiń derbes quramyna kelisý týraly» sheshimine ózgerister engizý týraly.
7. Qalalyq máslıhattyń 2012 jylǵy 23 qarashadaǵy №7/74 «Qala ákimdigi janyndaǵy sybaılas jemqorlyqqa qarsy kúres máseleleri jónindegi arnaıy komısıasynyń derbes quramyn bekitý týraly» sheshimine ózgerister engizý týraly.
8. Qalalyq máslıhattyń 2011 jylǵy 21 shildedegi №44/401 «Aqtaý qalasy ákimdigi janyndaǵy quqyq buzýshylyq profılaktıkasy jónindegi vedomstvoaralyq komısıasynyń derbes quramyn bekitý týraly» sheshimine ózgerister engizý týraly.
9. Qalalyq máslıhattyń 2014 jylǵy 15-sáýirdegi №19/188 «Aqtaý qalalyq, okrýgtik jáne ýchaskelik saılaý komısıalarynyń múshelerin saılaý týraly» sheshimine ózgerister engizý týraly.
10. Qalalyq máslıhattyń otyz tórtinshi sesıasynyń tóraǵasyn saılaý týraly.
Kún tártibiniń birinshi «2015-2017 jyldarǵa arnalǵan qalalyq búdjet týraly» sheshimine ózgerister men tolyqtyrýlar engizý týraly» máselesi boıynsha qalalyq ekonomıka jáne búdjettik josparlaý bóliminiń basshysy Ada Kım baıandama jasady. Ol óz baıandamasynda 2015 jylǵa arnalǵan qala búdjetiniń naqtylanǵan jobasy kirister boıynsha – 23 518 493 myń teńge, shyǵystar boıynsha – 21 391 253,3 myń teńge, taza búdjettik kredıtteý – 7 571 280 myń teńge, qardjy aktıvterimen operasıalar boıynsha saldo – 72476 myń teńge jáne búdjet tapshylyǵy – 5 181 040,3 myń teńge bolyp anyqtalǵanyn atap ótti.
Jergilikti búdjettiń oryndalýy barysynda bıylǵy jyldyń aıaǵyna deıin ótkizilgen konkýrstar jáne qarjylandyrý josparynyń oryndalmaýy boıynsha jalpy somasy 430 042 myń teńge ekonomıa quraldy. Únemdelgen qarajatty kelesi negizgi is-sharalarǵa paıdalaný josparlanýda:
-185 076 teńge avtokólik joldaryn jóndeý jumystaryn júrgizýge, (jol boıyndaǵy tóselgen tastarmen qaptalǵan eski betondardy dıektastardy jańa grannıtti qurylymǵa aýystyrý);
-6 999 myń teńge – taksıge arnalǵan 4 turaq qurylǵysyna;
-19 930 myń teńge – 14 baǵdarsham obektileri tiregin aýystyrýǵa;
-172 000 myń teńge – «Qala joldary» JSHS arnaıy tehnıka satyp alýǵa;
-24 500 myń teńge – bıik turǵyn-úılerge arnalǵan 5 lıft satyp alýǵa;
-23 228 myń teńge – «Aqbota» saıabaǵyn abattandyrý boıynsha jumystardy jalǵastyrýǵa;
-21 572 myń teńge – Ómirzaq selosyndaǵy jáne «Prıozernyı-2» t/m sý taratý jáne jyly sýmen qamtamasyz etý júıesiniń aǵymdaǵy jóndeýden júrgizýge;
- 37 831 myń teńge qatty turmystyq qaldyqtarǵa (QTQ) arnalǵan konteınerler satyp alýǵa;
-7 000 myń teńge – 1 sh/a balalar jáne sporttyq alańdarynyń qurylǵysyna;
-226 276 myń teńge jergilikti ınvestısıalyq jobalardyń jumystary tizimine qosylǵan. Kún tártibindegi úshinshi «Jer salyǵynyń bazalyq mólsherlemelerin joǵarylatý týraly» máselesi boıynsha qalalyq jer qatynastar bólimi basshysynyń mindetin atqarýshy B. Omarova baıandady. Ol óz baıandamasynda QR 2008 jylǵy 10 jeltoqsandaǵy №99-IV «Salyq jáne búdjetke tólenetin basqa da mindetti tólemder týraly» salyq kodeksine engizilgen ózgeristerdiń 2015 jylǵy 1 qańtardan bastap kúshine engizilýine baılanysty, jergilikti ókildi organdardyń QR jer zańnamasyna sáıkes paıdalanylmaıtyn aýyl sharýashylyǵy maqsatyndaǵy jerlerge osy Kodekstiń 387-babynda belgilengen jer salyǵynyń mólsherlemesimen jergilikti atqarýshy organdardyń usynystary negizinde on eseden asyrmaı joǵarylatýǵa múmkindigi bar ekendigin málimdedi.
QR Úkimetiniń 2007 jylǵy 22 maýsymyndaǵy №526 qaýlysyna sáıkes, Aqtaý qalasy kóleminiń azaıýyna baılanysty búdjetke jer ýchaskelerin satýdan, basqa salyq jáne mindetti tólemderdiń túsýiniń tómendeýine oraı, aýyl sharýashylyǵy maqsatyndaǵy jerlerdi paıdalanýda yntalandyrý jáne jergilikti búdjetke túsetin kiristi ulǵaıtý maqsatynda paıdalanylmaıtyn aýyl sharýashylyǵy maqsatyndaǵy bólingen jerlerge «Jer salyǵynyń bazalyq mólsherlemelerin joǵarylatý týraly» Aqtaý qalalyq máslıhatynyń sheshim jobasy daıyndaldy.
Sesıa otyrysynyń kún tártibinde 6, 7, 8 máseleler boıynsha qala ákiminiń aýysýyna baılanysty E. Jańbyrshın shyǵarylyp, S.Trumovty engizý jónindegi jobalary, sondaı-aq basqa da máseleler qalalyq máslıhat depýtattarymen talqylanyp, tıisti sheshimder qabyldandy.
Qala ákimi Serikbaı Trumov sesıa otyrysynyń qorytyndysynda depýtattarǵa qalalyq ákimdik tarapynan alda atqarylatyn jumystar týraly aqparat berdi.
Derekkózi: Aqtaý qalasy ákiminiń resmı saıty
