«QazMunaıGaz» Barlaý Óndirý» («QMG BÓ»AQ) «Ózenmunaıgaz» AQ, «Embimunaıgaz» AQ, «Qarajanbasmunaı» AQ, «QazGerMunaı» BK JSHS jáne servıstik «KRÝZ» kompanıasynyń 58 qyzmetkeri qatysqan «QMG BÓ» AQ enshiles jáne táýeldi uıymdarynyń arasyndaǵy 8-shi «Úzdik maman» kásibı biliktilik baıqaýy aıaqtaldy.

Konkýrs teorıalyq jáne praktıkalyq bólikten turdy. Ótken jyly Atyraý oblysynda ótken jarys, osy joly Ózen kenornynda boldy.

Jarys 11 atalym boıynsha júrdi. Atap aıtqanda, munaı jáne gaz óndirý operatory, skvajınalardy zertteý operatory, tokar, dánekerleýshiler, baqylaý-ólsheý aspaptary jáne avtomatıka slesari, skvajınalardy jerasty jabdyqtaryn jóndeý operatory, munaı jabdyqtaryn jóndeý slesari, qabat qysymyn saqtaý jónindegi operator, elektromonterler, munaı daıyndaý operatory jáne hımıalyq taldaý zerthanashylarynyń arasynda ótti.

Jarys qorytyndysy boıynsha «Ózenmunaıgaz» AQ munaıshylary jeńimpaz dep tanyldy.

Ár mamandyq boıynsha baıqaý jeńimpazdary «Úzdik maman» tósbelgisimen marapattalyp, baǵaly syılyqtar jáne aqshalaı syıaqy aldy. Birinshi, ekinshi jáne úshinshi oryn alǵan qatysýshylardyń jalaqysyna bir jyl boıy tarıftik mólsherlemeniń 30%, 20% jáne 10% kóleminde qosymsha aqy tólenedi.

Derekkózi: ozenmunaigas.kz