Tamyljyǵan tamyz aıynda Aqtaý qalasyndaǵy «Daryn» qosymsha bilim berý ortalyǵynyń «Baldáýren» bazasynda aǵymdaǵy jyldyń 18–21 tamyz kúnderi ótken «Jastar – Otanǵa» jobasy boıynsha Mańǵystaý jastarynyń saıası lageri ótti. Lager ekinshi ret Mańǵystaý oblystyq jastar saıasaty máseleleri basqarmasynyń tikeleı qoldaýymen ótkizilip, negizgi qatysýshylary aýyl jastary men jumysshy jastar boldy. Sharaǵa odan basqa da jastar uıymdarynyń jetekshileri, qalalyq, aýdandyq, aýyldyq jerlerdegi «Jas Otan»–nyń belsendileri, áleýmettik jelilerdiń belgili paıdalanýshylary, jergilikti BAQ ókilderi qatysty. 80-ge jýyq oblystyń ár túkpirinen kelgen jastardyń basyn biriktirip, dostyq qarym qatynasty qalyptastyrǵan lagerdiń negizgi maqsaty - oblys kóleminde jastar saıasatyn odan ári damytý, aýyl jáne jumysshy jastaryna barynsha qoldaý kórsetip, memlekettik baǵdarlamalar men patrıottyq baǵyttaǵy is – árekettermen aqparattandyrý, jastar ortasynda  tabysty jas qazaqstandyqtyń keıpin  qurý, aýyldyq jáne jumysshy jastardy qoǵamdyq ómirge tartý men qyzyǵýshylyqtaryn arttyrý bolyp tabylady.

Atalmysh lagerde Mańǵystaý aýdanynan bes belsendi ár aýyldyń olar Jyńǵyldy, Shetpe, Tushshybek, Ushtaǵan jastary qatysyp, erekshe belsendilik tanytty. 4 kún boıy uıymdastyrylǵan saıası lagerde jastar qoǵam qaıratkeri Bekbolat Tleýhan, tanymal áleýmettik jeli paıdalanýshylary Órken Kenjebek pen Tımýr Bekturmen kezdesip, salıhaly áńgime, mańyzdy maǵynaly aqyl keńester aıtyldy. Áserli kezdesý joǵary deńgeıde ótti. Jastar kókeıindegi máselelerin aıtyp, salmaqty jaýaptaryn aldy. Mańǵystaýlyqtardyń atynan syılyqtar da berildi. Bekbolat Tileýhan sóz sońynda Mańǵystaý jurtshylyǵyna, jastarǵa alǵysyn bildirip, sálemin joldady.Jastar sporttyq oıyndar men kóńildi bı keshterin ótkizdi. Bul jastarǵa túrli oı salatyn, psıhologıalyq damytý áseri bar lager boldy.

Derekkózi: www.audan.mangystau.gov.kz