Almaty. Qamshy portaly - Oqýshylarynyń qatary eń kóp óńirdiń biri Ońtústik Qazaqstan oblysy. Onda  bıyl 70 448 bala mektep tabaldyryǵyn alǵash ret attap, kúmis qońyraýdyń daýysyn esitti. 

Bıyl jyl sońyna deıin Ońtústik Qazaqstan oblysynda 67 bilim berý nysany ǵımaratynyń qurylysy aıaqtalady. Oblys ákimdiginiń baspasóz qyzmetiniń habarlaýynsha,bıyl 104 bilim berý nysanynyń qurylysy júrgizildi, sonyń 37-si paıdalanýǵa berilgen.  

«Bul mektepterdiń qurylysy oblystyq jáne respýblıkalyq búdjetter esebinen júrip jatyr. Paıdalanýǵa berilgen mektepterdiń arasynda 19 nysan kezinde apatty bolyp tanylǵan», - dep habarlady oblystyq ákimdiktiń baspasóz qyzmetinen.

Apatty ǵımarat sanatyna jatqyzylǵan taǵy 10 mekteptiń qurylysy da bıyl aıaqtalady. Qalǵan 27 bilim oshaǵynyń máselesin 2017 jylǵa deıin sheshý josparlanǵan. Bıyl 100 mektepte kúrdeli jóndeý júrgizildi.

«OQO ákimi Beıbit Atamqulov qurylys alańdaryna barý kezinde merdigerlerden barlyq jumystardy merziminde aıaqtaýdy talap etti. Tek sapaly qurylys materıaldaryn paıdalanyp, olardy muqıat tekserýdi, mektep mańyndaǵy aýlalardyń abattandyrylýyna muqıat kóńil bólý kerek ekenin tapsyrdy», - dep atap ótti oblys ákimdiginiń baspasóz qyzmetinen.

Derekkózi: Qazaqparat