Almaty. Qamshy portaly -   Bıyl OQO-da bilim berýdi damytýǵa 184 mlrd. 900 mln. teńgeden astam qarajat bólindi, dep habarlady oblystyq ákimdik baspasóz qyzmeti.

Bul qarajat oblystyq jáne respýblıkalyq búdjetterden bólindi. Sonymen, OQO bilim berý basqarmasynyń basshysy Albına Elshıevanyń derekterine súıensek, 23 mlrd. teńgeden astam qarajat 104 bilim berý nysanyn salýǵa bólindi, bıyl olardyń 32-si paıdalanýǵa berildi. Úsh aýysymdyq úsh mekteptiń, 29 apatty mekteptiń problemalary sheshildi. Samannan salynǵan mektep sany azaıdy, óńirde qazir olardyń sany 153.

Sondaı-aq, bilim berý basqarmasy basshysynyń derekterine súıensek, bıyl 6 mlrd. 800 mln. teńge 10 mektepti kúrdeli jóndeýge bólingen, 697 mektepte somasy 301 mln. teńgege aǵymdaǵy jóndeý júrgizildi. Óńirde mektepke deıingi bilim berý salasynda da jetistikter bar. Olar 78,3 paıyz balany qamtydy. 1454 balabaqshanyń 647-si jekemenshik bolyp tabylady.

Baspasóz qyzmetinde biryńǵaı ulttyq testileý nátıjeleri de aıtyldy. Kórsetkish ótken jylmen salystyrǵanda, jaqsy boldy.

Albına Elshibaeva bergen derekterge súıensek, úzdik belgini 608 túlek ıelendi. 96 adam halyqaralyq olımpıadanyń jeńimpazy retinde test tapsyrýdan bosatyldy.

«Bilim berý qyzmetkerleriniń aldynda úlken mindet tur, - dedi OQO ákimi Beıbit Atamqulov. - Biz úsh tildi bilim berý júıesine kóshýimiz qajet. Bul úshin jas bilikti mamandar qajet. Qazir pedagogtar oqý jylyna daıyndyq ústinde. Olar sabaq júrgizip qana qoımaı, kámelettik jasqa tolmaǵandar arasynda qylmystyń aldyn alý úshin aýqymdy tárbıe jumystaryn júrgizýi qajet».

Baspasóz qyzmetinde qazir oblys mektepterinde «Birlesip balalarǵa kómektesemiz» atty qaıyrymdylyq aksıasy ótýde ekenin atap ótti. Ári 1 qyrkúıekte birinshi synyp oqýshylary prezıdentten «Meniń otanym - Qazaqstan» atty kitapty syıǵa alady. Bıyl 70 488 bala mektep tabaldyryǵyn attaıdy.

Derekkózi: Qazaqparat