Kentaý qalalyq bilim berý bóliminiń uıymdastyrýmen, Qazaqsatan musylmandary dinı basqarmasyna qarasty «Zeket» qorynyń Ońtústik Qazaqstan oblysy boıynsha ókildiginiń demeýshiligimen Turar Rysqulov atyndaǵy №24 jalpy orta mektebinde «Mektepke jol» aksıasy aıasynda «Balalarǵa birge kómek bereıik!» atty qaırymdylyq is-sharasy bolyp ótti.

Atalǵan sharaǵa qalalyq ortalyq meshittiń naıb ımamy Jomart Tólen, oblystyq «Zeket» qorynyń jetekshisi Órken Saparqulov, «Ar-rahım» meshitiniń ımamy Baqytjan Akaýov, qalalyq bilim berý bóliminiń ádiskeri Núrıpa Kúzembaeva jáne bilim oshaqtarynyń muǵalimderi men ata-analar, oqýshy jastar qatysty.

Qaıyrymdylyq sharada meshit ımamdary men «Zeket» qorynyń jetekshisi sóz sóılep, az qamtamasyz etilgen oqýshy balalarǵa qol ushyn berip, kómek qolyn sozý árbir azamattyń paryzy ekendigin eskertip, oqýshylarǵa oqý quraldaryn tabystady. Aksıa barysynda «Samuryq» bı toby bı-bılep, oqýshylar úıiniń «Kóńildi dybystar» úıirmesiniń oqýshylary án aıtyp, qonaqtarǵa kóterińki kóńil kúı syılady. İs sharaǵa qatysqan №12 orta mekteptiń ata-anasy Kúltaı Eshımova men №14 mekteptiń ata-anasy Kúlásh Ashırova sóz sóılep, kómek kórsetýshilerge ózderiniń alǵystaryn bildirdi. Jıyn sońynda balalarǵa arnalǵan táttiler qoıylyp, dastarhan jaıyldy.

Dál osyndaı qaıyrymdylyq aksıasy Kentaý qalasynyń ózge de bilim oshaqtarynda óz jalǵasyn tabýda.

Derekkózi: Kentaý qalasy ákimdiginiń saıty