21-23 tamyzda oblystyq bilim, jastar saıasaty jáne tilderdi damytý basqarmasynyń tapsyrmasy boıynsha «Qazyna Jastary» qoǵamdyq birlestiginiń uıymdastyrýymen Birkólik shatqaly "Báısheshek" lagerinde "Birligimiz jarasqan "Dostyq" lageri" ótti. 3 kúndik lagerde aýdan, qalalardan kelgen belsendi jastar sporttyq saıystar men óner baıqaýlaryna qatysyp, jastardyń dostyǵy men belsendiligin arttyrýǵa baǵyttalǵan semınar-trenıgterden ótti.
Jastar oblys ákiminiń orynbasary Aıtahanov Erlan Qýanyshulymen kezdesip, kókeıinde júrgen suraqtaryna jaýap aldy. Qazaqstandaǵy qarjylyq jaǵdaı, stýdentterdiń jol aqy máseleleri, jastardy baspanamen qamtý, talantty jastardy arnaıy nomınasıalar boıynsha marapattaý syndy usynystar men suraqtar qoıyldy.
Erlan Qýanyshuly jastardy soltústik óńirlerge jumys jasaýǵa shaqyrdy. Qonystanýshylarǵa tegin úı-jaı, jer ýchaskesi berilip, áleýmettik qoldaý kórsetiletindigin aıtty. Qazaqstandaǵy qarjylyq jaǵdaı boıynsha halyq arasynda túsindirme jumystarynyń júrgizilip jatqandyǵyn, Úkimette selektor ótkendigin, tıisti kómekter kórsetiletindigin jetkizip, halyqty daýryqpaýǵa shaqyrdy.
Lagerde oblysymyzdyń 200-ge jýyq jastary 4 topqa bólinip, ózara túrli ulttardyń mádenıetin, salt-dástúrin kórsetip, taǵamdaryn ázirleý boıynsha saıystarǵa tústi. Tanystyǵyna az ýaqyt bolsa da jastar toppen jumys jasaı alatyndyǵyn kórsetip, dostyq lageriniń shyraıyn kirgizdi.
Dostyq lageriniń sońynda belsendi jastar marapattaldy. Kentaý qalasynan №6 mekteptiń oqýshysy Charykýlıev Kemal men №24 mekteptiń oqýshysy Tórebek Erkebulan "Robot" bıimen kórermenderdiń kózaıymyna aınaldy. Qashǵarı mektebiniń 10 synyp oqýshylary Satanova Dıara, Abdýkadırova Dıana, Aınıtdınova Gýlbahor, Aınıtdınov Mırsaıd jáne KKK túlegi Ábdiraman Uldana belsendilik kórsetti.
Jastar Dostyq lagerin uıymdastyrýshysy «Qazyna Jastary» qoǵamdyq birlestigine jáne qalalyq «Jastar ortalyǵyna» alǵystaryn aıtyp, kelesi jyly da osyndaı is-sharalardyń ótýine tilek bildirdi.
«Jastar ortalyǵynyń» ınspektory M.Mamýdjanova
