Saıram aýdandyq mádenıet úıinde bilim berý bóliminiń basshylyǵy «Mektepke jol» aksıasyn ótkizdi. Bıyl segizinshi ret ótkizilip otyrǵan aksıa aýdanda «Balaǵa meıirim syıla!» úndeýimen ótýde. Atalǵan aksıa «Mektepke jol» respýblıkalyq aksıa jobasynyń aıasynda ótip jatyr. Bul sharanyń negizigi mindeti – az qamtylǵan otbasylaryndaǵy oqýshylardyń jańa oqý jylyna daıyndyǵy jáne balalardyń áleýmettik jaǵdaılary boıynsha mektepke barmaýynyń aldyn alý. Sondaı –aq, olardyń mektep formasy, oqýǵa qajetti qural – jabdyqtarmen tolyqtaı qamtylyp, alańsyz bilim alýyna jaǵdaı jasaý. Respýblıkalyq aksıanyń barysynda Ońtústik Qazaqstanda memlekettik pedagogıkalyq ınstıtýnyń rektory O.Aıashov, Shymkent ýnıversıtetiniń rektory Ǵ.Pirálıev, aýdandyq sottyń tóraǵasy B.Tynybekov, aýdandyq ishki ister memlekettik zeınetaqy tóleý jónindegi aýdandyq ortalyǵynyń basshysy N.Dıhanbaev, aýdandyq tótenshe jaǵdaılar basqarmasynyń bastyǵy, órtke qarsy qyzmet polkovnıgi M.Baıymbetov, aýdandyq aýrýhananyń bas dárigeri B.Turlybekov, aýdandyq qurylys bóliminiń basshysy Ú.Serbaev, aýdandyq qorǵanys isteri jónindegi bólimniń bastyǵy N.Erejepov, jumyspen qamtý jáne áleýmettik baǵdarlamalar bóliminiń basshysy B.Serikbaev, Aqbaı aýylynyń bıi E.Ádihanov, kásipkerlik bóliminiń basshysy Sh.Rahatov, S.Seıfýllın gımnazıasynyń bastaýysh synyp muǵalimi S.Mergenbaeva, Qarasý aýylynyń ákimshiligi, jeke kisipker D.Týlametovter qoldaý kórsetti. Demeýshilerdiń kóptep kómek kórsetýi arqasynda áleýmettik jaǵynan az qamtylǵan balalar qyrkúıektiń 1 – i kúni bilim nárimen sýsyndaýǵa mektepke bardy.

Derekkózi: Mártóbe gazeti