Jaqynda Almatyda «Kúnshýaq KZ» kópshilik qorynyń prezıdenti Svetlana Vladımırovna Kovalerovanyń jáne Almaty qalalyq Oqýshylar saraıynyń uıymdastyrýymen 25 jasqa deıingi jastar ara-synda ótken halyqaralyq án-festıvaline qatysyp qaıtqan otyrarlyqtar oljaly oraldy. Án janry boıynsha óz baǵyn synaǵan jas talant Jambyl atyndaǵy mektep-lıseıiniń 11-synyp oqýshysy Áıgerim Samatqyzy Bekbolat birneshe memleketterden kelgen ánshiler arasynda bas júldeni jeńip alsa, Nurshýaq Sákenuly Seıtisqan júldeli úshinshi oryndy ıelenip, laýreat atanyp qaıtty.Uly sazger Shámshiniń jerlesteri óz ónerlerimen Italıa, Polsha, Germanıa, Reseı syndy memleketterden kelgen ádilqazylardan joǵary baǵa alyp, elimizdiń mereıin ústem etti. Osyndaı jetistikke jetýge úlesin qosqan aýdandyq Jastar saraıynyń vokaldyq úıirme jetekshisi Saltanat Jırenbaıdyń eńbegi zor. Ásirese, Sh.Qaldaıaqov atyndaǵy mektep-gımnazıasynyń 7-synyp oqýshysy Nurshýaqtyń Shoqan Ýálıhanov atasy kıgen oqaly kıimi sheteldik kórermenderge qatty unasa kerek. Ónegeli, tárbıeli otbasylardan shyqqan Nurshýaqtyń ákesi Sáken men anasy Qamajaıǵa, Áıgerimniń ata-anasy Samat pen Álıaǵa aıtar alǵysymyz sheksiz. Áni men kıimi úılesken jas ánshige bolashaqta úlken shyǵarmashylyq tabystar tileı otyryp, shyǵar asýyń bıikte bolsyn deımiz.