Saıram aımaǵy  boıynsha aýdanaralyq Memlekettik qyzmet isteri jáne sybaılas jemqorlyqqa qarsy is-qımyl basqarmasynyń uıymdastyrýymen Saıram aýdanyndaǵy Abylaı han atyndaǵy  №93 orta mektepte «Sybaılas jemqorlyqqa qarsy quqyqtyq sanany jetildirý jáne quqyqtyq mádenıetti qalyptastyrý» taqyrybynda konferensıa ótkizildi.

İs-sharaǵa Saıram aýdandyq bilim bóliminiń jaýapty qyzmetkerleri, mektep dırektorlary men bala-baqsha meńgerýshileri, bilim salasy kásipodaqtarynyń, ardagerler keńesiniń jáne ata-analar komıtetiniń tóraǵalary qatysty.

Konferensıa aldynda qatysýshylarǵa «Kak zashıtıt sebá ot korrýpsıonnyh poságatelstv?» jáne «Sybaılas jemqorlyqtan qalaı qorǵanýǵa bolady?» taqyrybynda qazaq jáne orys tilderinde daıyndalǵan jadynamalar taratylyp, sybaılas jemqorlyq kórinisterin aldyn-alý baǵytynda anonımdi túrde saýalnama júrgizildi.

 Shara barysynda Saıram aýdan ákimi apparaty zań bóliminiń  ókili, bilim bólimi ádistemelik kabınet meńgerýshisi, bilim salasy kásipodaqtar uıymy tóraıymynyń jáne  Basqarma konsýltantynyń  baıandamalary men aqparattary tyńdaldy. Sonymen qatar, Departamentpen memlekettik qyzmettiń oń ımıjin qalyptastyrý jáne sybaılas jemqorlyqtyń qoǵamǵa zıandylyǵyn nasıhattaıtyn beınerolıkter kórsetildi.

 Konferensıaǵa aýdan ákiminiń keńesshisi B. Tanagýzov jáne ardagerler keńesiniń tóraǵasy Á.Baınazar qatysyp, óz oı-pikirlerimen bólisti. 

Derekkózi: Saıram aýdany ákiminiń resmı saıty