Túrki dúnıesi Aqsaqaldar keńesiniń múshesi Ádil Ahmetov Halyqaralyq Túrki akademıasy 8 qańtar kúni Nur-Sultan qalasynda ótkizgen «Túrki álemi: tarıhı-mádenı mura» atty halyqaralyq konferensıa kórshi memleketter arasyna iritki salǵysy keletin saıası saıqymazaqtardyń sandyraǵyna oryndy jaýap boldy dep sanaıdy.
– Bul konferensıa jáne onyń tereń ǵylymı mazmuny halyqtar arasyna irtki salyp, Qazaqstan jáne Reseı halyqtarynyń dostyǵyna syna qaqqysy keletin ártúrli sanattaǵy saıası saıqymazaqtardyń jalǵan ári negizsiz áreketterine laıyqty jaýap boldy, – dep atap ótti.
Onlaın-offlaın rejımde ótken sharaǵa 20-dan astam memleketten ǵalymdar men sarapshylar, sondaı-aq túrki áleminiń birqatar resmı tulǵalary, halyqaralyq uıymdardyń ókilderi qatysty.
Pikir qaldyrý