Qazaqstandyq ánshi Lýına belgili « Rising Star Turkey» shoýyna qatysyp jatyr.  Bul týraly "Qamshy" portaly Tengrinews.kz-ke silteme jasaı otyryp habarlaıdy. 

«Rising Star» shoýy qyrkúıekten bastap týriktiń TV8 telearnasynan kórsetilip jatyr. Uıymdastyrýshylar Lýınany aldyn ala ótetin kastıngke shaqyrǵan. Qazaqstandyq ánshi myńdaǵan qatysýshynyń ishinen sýyrylyp alǵa shyqty.

Aıta keteıik, Rising Star - jańa formatta ótkiziletin ınteraktıv shoýy. Ánshi sahnaǵa shyqqan kezde aldynda qabyrǵa turady, ol qazylar alqasyn kóre almaıdy. Qatysýshy 70 paıyzdan joǵary daýys jınaǵanda ǵana qabyrǵa kóteriledi.

Ánshi Lýına Halo Beyonce kompozısıasyn oryndap, 86 paıyz daýys jınady. Ánshiniń qoıylymy quramyna tanymal tulǵa Mýstafa Sandal, ánshi Demet Akalyn, Oıký Serter jáne Fýat kiretin qazylar alqasyna unady jáne tórteýi de "Iá" dedi. Endi ekinshi aınalymda Lýına basqa qatysýshylarmen kezdesip, jobanyń jartylaı fınalyna ótý úshin óner kórsetedi.

"Mundaı úlken sharaǵa qatysý jaýapkershilikti talap etedi jáne bul men úshin baqyt. Azdap qobaljyp turǵanym ras, degenmen mıllıondaǵan telekórermenniń aldynda turyp án aıtý úlken tájirıbe", - dedi Lýına.