Jaqynda Máskeýdegi meshittiń  ashylý saltanatyna Qazaqstan Prezıdenti Nursultan Nazarbaev qatysady dep josparlanýda. Bul týraly reseılik buqaralyq aqparat quraldary jazýda,-dep habarlaıdy «Qamshy» portaly.

Uıymdastyrýshylar Máskeý meshitiniń ashylýyna barlyq musylman memleketterinen delegasıa shaqyrǵan. Qazirgi tańda tek úsh memlekettiń basshylary restavrasıalanǵan meshittiń ashylý saltanatyna qatysatyndyqtaryn resmı málimdegen. Olar: Qazaqstan Prezıdenti Nursultan Nazarbaev, Palestına kóshbasshysy Mahmýd Abbas jáne Túrkıa Prezıdenti Rejep Taıyp Erdoǵan.

Máskeý meshitiniń restavrasıalanǵan jáne jańa kesheniniń ashylý saltanaty musylman memleketterine ortaq qasıetti Qurban Aıt merekesi qarsańynda, 23-qyrkúıekke josparlanǵan.

Eske sala keteıik, osynyń aldynda Qytaı Astanasy Pekınde QR Prezıdenti N.Nazarbaev pen RF Prezıdenti V.Pýtın kezdesý júrgizgen bolatyn. Onda memleket basshylary eki el arasyndaǵy eki jaqty qarym-qatynastardyń negizgi máselelerin sóz etken. Bul týraly Aqordanyń baspasóz qyzmeti habarlaǵan.

Nurzat Toǵjan