Keshe Almatyda "Nur Otan" partıasy tóraǵasynyń birinshi orynbasary Asqar Myrzahmetovtyń tóraǵalyǵymen partıanyń Almaty qalalyq fılıalynyń kezekten tys otyrysy ótti. Bul týraly «Qamshy» portaly today.kz-ke silteme jasaı otyryp habarlaıdy.
Partıa tóraǵasynyń birinshi orynbasary Asqar Myrzahmetov partıanyń aldyńǵy tóraǵasy Ahmetjan Esimovke jasaǵan jumysy úshin alǵys bildirip, Almaty ákimi Baýyrjan Baıbek myrzany "Nur Otan" partıasy Almaty qalalyq fılıalynyń tóraǵasy bolyp taǵaıyndaǵan.
Ol Esimovtiń kezinde qoǵamnyń birligi men yntymaǵy nyǵaıyp, halyqtyń partıaǵa degen senimi artqandyǵyn jetkizdi.
Qala basshysy óz kezeginde partıalyq jumysqa taǵaıyndalǵanyna alǵys bildirdi.
"Men partıanyń ár múshesin jaqsy bilemin. Munda shyǵarmashylyq zıaly qaýym ókilderi jınalǵan. Sizderdiń qoldaýlaryńyzdyń arqasynda Memleket basshysy qoıǵan barlyq mindetterdi abyroımen atqara alatynymyzǵa senimdimin. Sondaı-aq, osyǵan deıin atan túıege júk bolarlyq jumys atqarǵan Ahmetjan Esimovke alǵysymdy bildiremin. Ol "EKSPO-2017" alańynda óz mindetin múltiksiz atqararyna senimim mol", - dedi B.Baıbek.
Sondaı-aq, jıyn barysynda B.Baıbek "Belsendi qyzmeti úshin" ordenimen marapattaldy.
