Keıbir sarapshylardyń pikiri boıynsha Qazaqstanda qaıtalama naryqta baspana quny (dollar ekvıvalentinde) kelesi jyldyń sońyna qaraı 20 paıyzǵa tómendeıdi. Bul týraly «Qamshy» portaly Tengrinews.kz-ke silteme jasaı otyryp habarlaıdy. Keshe Astanada "Qazaqstan-2050" jalpyulttyq qozǵalysynyń uıymdastyrýymen saraptaý klýbynyń otyrysy ótken bolatyn.
Áńgimelesý barysynda teńge erkin aýytqý baǵamyna ótkennen keıin jyljymaıtyn múlik naryǵynda qandaı ózgerister boldy degen taqyrypta pikirler alýandyǵy týǵan.
"Osyǵan deıingi, ıaǵnı 2014 jyly aqpandaǵy teńge baǵamyna túzetý jasaý júıesine mysal retinde qaraıtyn bolsaq, biz dollar baǵasynyń qazirgi tańda 16 paıyzǵa túskenin kóremiz. Biz qazir teńge baǵasynyń devalvasıalyq deńgeıge qaıta oralǵanyn kórip otyrmyz. Qazirgi jaǵdaıǵa baılanysty aıtatyn bolsaq, bul jerdegi teńge baǵamynyń ózgerisinen biz halyq tabysynyń tómendegenin, otandyq kompanıalar kirisiniń azaıǵanyn kóremiz, sebebi daǵdarys qalaı bolǵanda da olarǵa áser etedi. Munyń barlyǵy baspana qunynyń túsýine ákep soǵady. Bizdiń boljam boıynsha, 2016 jyldyń sońyna qaraı baǵa 20 paıyzǵa tómendeıdi", - dedi kn.kz aqparattyq portalynyń analıtıkalyq qyzmetiniń basshysy Anna Shaskaıa.
Anna Shaskaıanyń aıtýynsha, qazirgi tańda Astanada úıdiń ár sharshy metriniń baǵasy - 1820 dollar. Aıta keteıik, bul jerdegi áńgime qaıtalama naryqtaǵy baspanalardyń quny jóninde.
«Qazir jyljymaıtyn múlik naryǵynda "keıin sheginýshilik" baıqalady, ıaǵnı baǵa burynǵy teńgege qaıtyp oralady. "Baǵanyń qulaýy odan da tereńirek bolýy múmkin", - deıdi ol.
