Jaqynda Almaty qalasynda  er adam jalǵa alǵan páteriniń ıesin zorlap ketken. Bul týraly «Qamshy» portaly tengrinews.kz-ke silteme jasaı otyryp habarlaıdy.
3 tamyz kúni  tańǵa jýyq Almaty polısıasyna almatylyq azamatsha habarlasyp, ózin belgisiz bireýlerdiń zorlap ketkenin aıtqan.  Áıeldiń aıtýynsha, ol táýlik jáne belgili bir saǵatqa páterin jalǵa berýmen aınalysady eken. Oǵan qorlyq kórsetken azamat ta páterin sondaı jalǵa alýshylardyń biri kórinedi.

Anyqtalǵandaı, qylmystyq áreket sol jaldamaly páterdiń  ishinde bolǵan.

Polısıa qyzmetkerleri oqıǵa ornyn tekserýge kelgen kezde páterdiń esigi ishinen qulyptaýly bolǵan. 

Polısıa qyzmetkerleriniń biri 7-qabatta ornalasqan álgi páterdiń ishine sym arqyly 8-qabattan túsip, esikti ashady. Sol ýaqytta jábirlenýshiniń nusqaǵan kúdiktisi uıyqtap jatqan eken. Qazirgi tańda ustalǵan er adam aýdandyq ishki ister basqarmasyna jetkizildi.