Parlament májilisiniń jalpy otyrysynda Nurlan Nyǵmatýlın májilis tóraǵasy laýazymyna qaıta saılandy.
Májilistiń jalpy otyrysynda depýtattar jańa tóraǵany jasyryn daýys berý arqyly saılady. Depýtattar daýys berý kezinde kandıdatty qoldaıtynyn bildirdi. Nurlan Nyǵmatýlınniń kandıdatýrasyna 100 depýtat daýys berdi. Nátıjesinde Nurlan Nyǵmatýlın májilis tóraǵasy laýazymyna saılandy.
– Eń aldymen, meni taǵy da osy joǵary laýazymdy qyzmetke, Májilis tóraǵasy retinde saılaǵandaryńyz úshin shyn júrekten alǵysymdy bildirýge ruqsat etińizder. Eń birinshiden, bul men úshin óte úlken jaýapkershilik. Sondyqtan, árqashanda Elbasymyz Nursultan Ábishuly Nazarbaevtyń jáne prezıdentimiz Qasym-Jomart Kemeluly Toqaevtyń ózime júktegen mindetterin joǵary deńgeıde oryndaý úshin, sizderdiń jáne bizdiń saılaýshylardyń senimderin aqtaý úshin men barlyq jınaǵan bilimimdi, jınaǵan tájirıbemdi jumsaıtyn bolamyn, – dedi Nurlan Nyǵmatýlın.
Pikir qaldyrý