Májilistiń burynǵy depýtaty, akter ári ánshi Nurlan Álimjanov jańa qyzmetke taǵaıyndaldy. Bul týraly qala ákimdiginiń baspasóz qyzmeti aıtty.

"Nurlan Álimjanov Nur-Sultan qalasynyń mádenıet basqarmasyna basshy bolyp taǵaıyndaldy" delingen habarlamada.

Nurlan Baıanǵalıuly Álimjanov 1984 jyly 29 sáýirde Almaty qalasynda dúnıege kelgen.

2005 jyly T.Q. Júrgenov atyndaǵy Qazaq ulttyq óner akademıasynyń "Mýzykalyq teatr men kıno akteri" fakúltetin, 2016 jyly Almaty ekonomıka jáne statısıka akademıasynyń "Ekonomıka ı bıznes" fakúltetin bitirdi.

2003-2008 jyldary Ǵ. Músirepov atyndaǵy Memlekettik akademıalyq teatrynyń akteri.

2019 jyly Nurlan Álimjanov Parlament Májilisiniń depýtaty bolyp saılanǵan.

"Aǵaıyndylar", "Temirtaý kóktemi", "Balalyq shaǵymnyń aspany", "Jaý júrek myń bala", "Kóshbasshynyń joly – Temir taýy", "Kóshbasshynyń joly – Otty ózen" kórkem fılmderinde basty róldi somdaǵan.