Qazaqstan Ulttyq Banki quramdas bóliginde altyn komponenti bar kúmisten jasalǵan nomınaly 1000 teńgelik «QAZAQSTANNYŃ ASTANASY – NUR-SULTAN» koleksıalyq monetalaryn shyǵarady, dep habarlady nationalbank.kz saıty.  

Monetalardyń satylymǵa shyǵatyn kúni aldaǵy ýaqytta habarlanbaq.

1 000 teńgelik nomınal 1000 dana taralymmen daıyndalǵan. Jalpy massasy 62,2 gram.  925/1000 synamaly kúmisten, massasy 46,2 gram, quramdas bóligi 999/1000 synamaly altynnan, "proof" daıyndaý sapasymen ázirlengen. Dıametri 50 mm, massasy 16 gram.

Monetalar tólemniń barlyq túri boıynsha Qazaqstannyń búkil aýmaǵynda qabyldanýǵa, sondaı-aq elimizdiń barlyq bankinde, bank shottaryna esepke alynýǵa, aýdarylýǵa, usaqtalýǵa jáne aıyrbastap alýǵa mindetti.

Monetalar kádesyı oramynda shyǵarylady jáne memlekettik tilde, orys, aǵylshyn tilderinde Qazaqstan Ulttyq Bankiniń nómirlik sapa sertıfıkatymen jabdyqtalǵan.