Osy apta boıy Aqmola, Qostanaı, SQO oblystarynyń ákimderi Sergeı Kýlagın, Nuraly Sádýaqasov jáne Erik Sultanovtar 29 tamyz kúni Aqmola oblysy Zerendi aýylyndaǵy saýnaǵa búkil teatr trýppasyn shaqyryp, saýna-shoý jasaǵany týraly áleýmettik jelilerde qyzý talqylaý júrdi.  Atalmysh oblystyń ákimderiniń áreketine keshe baspasóz qyzmeti túsinikteme bergen edi. Alaıda osy aqparatty Facebook-tegi jeke paraqshasyna jazǵan Dáýlet Qýanyshbaevqa  qysym jasalyp jatsa kerek. Bul týraly «Qamshy» portaly radiotochka.kz saıtyna silteme jasaı otyryp habarlaıdy. Dáýlet kúshtik qurylymdar tarapynan jasalǵan qysymǵa qarsy ashtyq jarıalaǵan.

“Men kimdermen qarsy shyǵyp otyrǵanymdy bildim jáne ádiletsizdik pen zańsyzdyqtan sharshadym», – dep jazady Dáýlet Facebook-tegi jeke paraqshasyna.

«Qazir meniń otbasyma qysym jasalyp otyr. Aqmola oblystyq ishki ister basqarmasy Atbasar AİİB arqyly aǵam Serik (túpnusqada osylaı jazylǵan) Qýanshbaevqa baqylaý kúsheıtildi. Sizder otbasymnyń basyn qaterge tigip otyrǵan menen «ne oıym barlyǵyn» surap otyrsyzdar. Onsyz  da osynda kóp adamdar bizdiń ákimder qandaı «múbárák» adam ekenin, onyń kelbeti Qostanaıdaǵy shirkeýlerdiń birinde ilingenin aıtyp jatyr. Solaı, onyń mashınasy áli saqyldap tur», – deıdi ol jazbasynda.

Dáýlet Qýanyshbaev óziniń sózin dáleldeıtin aýdıo-jazba bar ekenin de aıtyp ótipti. Sonymen qatar Dáýlet  ol faıldy antıkorrýpsıalyq medıa ortalyqqa ótkizgenin de jetkizdi.

Qýanyshbaevtyń aıtýynsha  saýnadaǵy qoıylym jaıly teatr ártisteri de bar shyndyqty jetkizýge daıyn eken. Biraq olardyń óz talaptary bar kórinedi. Ártister mundaı túsiniksiz is-saparlardyń birinshi ret bolyp otyrmaǵanyn, sondyqtan kúsh qurylymdary tarapynan qysym jasalmasa, barlyq jaıdy aıtyp berýge daıyn otyrǵandyqtaryn jetkizgen.

Dáýlettiń Facebook-tegi sońǵy jazbasynda ashtyqty toqtatatyny týraly jazylypty. Ol atalmysh áleýmettik jelidegi dostarynyń biriniń kómegi tıgendigin, endi kerisinshe kúsh jınaý qajettigin jazypty.

Nuraı Áljan