Keshe Qyrǵyzstan respýblıkasy premer-mınıstri Temir Sarıev qyrǵyz Úkimetiniń kezekti otyrysynda Reseıdiń memlekettik tilinde baıandama jasaǵan mınıstrlerge eskertý jasap, sógis aıtqan. Bul týraly «Qamshy» portaly kyrtag.kg agenttigine silteme jasaı otyryp habarlaıdy.

Keshe Qyrǵyzstannyń Úkimetindegi kezekti otyrysta el premer-mınıstri Temir Sarnıev orys tilinde baıandama jasaǵan mınıstrlerge eskertý jasap, sógis jarıalaǵan.

Úkimet otyrysynda barlyǵy úsh másele qaralǵan. Birinshi bolyp, Qyrǵyzstannyń ekonomıka mınıstri Oleg Pankratov birinshi jarty jyldyqtyń qorytyndy esebin bergen. Ádettegideı baıandama orys tilinde jasalǵan. Ekinshi bolyp sóz alǵan Qyrǵyzstan qorǵanys mınıstri Abıbılla Qýdaıberdıev te óz baıandamasyn keńestiń tilinde jasaǵan. Úshinshi másele boıynsha sóz kezegi Qyrǵyzstanniń ádilet mınıstri Jyldyz Mambetalıevke tıgende, mınıstr hanym da óz baıandamasyn jasaý úshin Reseıdiń memlekettik tiline júgingen.

Buǵan shamdanǵan premer-mınıstr Temir Sarıev mınıstrlerge eskertý jasaǵan.

«Qarańyzdarshy, barlyq úsh baıandama da orys tilinde jasaldy. Barlyqtaryńyz qyrǵyz tilin jaqsy bilesizder. Bul ne sonda?»,-dedi Temir Sarıev myrza.

Túıin: Qazaqstan Qyrǵyzstanmen salystyrǵanda  ekonomıkalyq áleýeti edáýir ilgeri memleket sanalǵanymen, ulttyq qundylyqtarǵa, memlekettik tilge degen qurmet máselesinde bizdiń de qyrǵyzdardan úırenerimiz kóp.

Nurzat Toǵjan