Keshe Qasıetti Mekke qalasynda qatty daýyl soǵyp, qurylys júrgizip jatqan kran qulaǵan. Saldarynan 87 adam qaza taýyp, 184-si túrli dene jaratyn alǵan. Bul týraly «Qamshy» portaly lifenews.ru arnasyna silteme jasaı otyryp habarlaıdy.

Ál-Haram meshitinde bolǵan oqıǵaǵa qatysty Saýd Arabıasynyń Áleýmettik qorǵaý mınıstri málimdeme jasaǵan. Onda oqıǵa oryn alǵan sátte meshitte 800 myńnan astam qajy bolǵan jáne kún juma bolǵandyqtan Qasıetti Qaǵbaǵa táý etýshiler de ádettegiden kóp bolǵan.

Qazirgi ýaqytta álemniń túkpir-túkpirinen qajylyq paryzyn óteýge Mekkege kelgen sheteldik azamattardyń qarasy kóp. Al qandy oqıǵadan keıin ár memlekettiń ókilderi óz jerdlesterin túgendeýge kirisip ketken.

QR Syrtqy ister mınıstri málimdegendeı, Mekkedege apattan qaza tapqandar arasynda qazaqstandyqtar joq.

Al Túrkıa Syrtqy ister mınıstrligi qaza tapqandardyń arasynda 2 Túrkıa azamaty bar ekenin jáne 19-y jaraqat alǵanyn habarlaǵan.

Aıta keteıik, Qasıetti Mekkedege ál-Haram meshitinde eki jyldan beri kúrdeli jóndeý jumystary júrgizilýde.

Nurzat Toǵjan