Estrada ánshisi Asha (Aqbota) Mataı turmysqa shyǵardyń aldynda qurbylaryn jınap, keremet kesh ótkizdi. Bul týraly «Qamshy» portaly NUR.KZ-ke silteme jasaı otyryp  habarlaıdy.

Ánshi Arman Qońyrbaev pen Asha Mataıdyń úılený toıy jaqyn aralyqqa josparlanǵan. Al juldyzdy juptyń úılený toıynan buryn ótken Ashanyń kóńildi keshine onyń eń jaqyn qurbylary men shoý-bıznestegi áriptesteri qatysty.

Asha Mataıdyń “devıchnıgine” jınalǵan tanymal adamdardyń ishinde Lýına, Maqpal Isabekova, Rano Omarova, “Qazaqstan arýy – 2013″ atanǵan Aıdaı Isaevalar bar.

Bir qyzyǵy, Ashanyń qurbylary kóńildi keshke erekshe obraz tańdapty. Iaǵnı, bolashaq qaldyńdyqtan bastap barlyq qurbylary úndiniń ulttyq kıimin tańdaǵan. Tipti, Ashanyń ózi de úndishe bı bılep berdi.

Asha Mataıdyń qazaqy salt-dástúr umyt bola bastaǵan shaqta úndiniń úlgisin úgitteýinen qarapaıym halyq úlgi almasa eken dep tileıik. Qyzdyq ǵumyrda taǵdyrǵa bir -aq ret jazylǵan shattanar kúnin basqa eldiń qańsyǵymen  tańsyq kórip toılatýy – Ashanyń qazaqy tárbıeden alystaý ekeniniń dáleli.  Qazaqta «devıchnık» ıaǵnı, qyzdar jınalyp, syr bólisip, otyrys qurý jigittiń qaıyn jurtyna «uryn» barǵan sátinde uıymdastyrylǵan. Qyzdar uzatylar qyzdyń shash baýyn kóterip, qalyńdyq kóılegin kórip, máz bolysatyn. Endigi jerde sol asyl saltymyzdyń óz boıaýyn bylǵap, úndiniń úlgisindegi «qyz otyrys» qystyrylysyp kele jatyr. Elge úlgi bolar, kóshke kórik bolar «juldyzdarymyz» bótenniń saltyn  nasıhattaýmen aınalysyp jatyr.