Qazaqstandy «Uly Dala eli» deý halyqtyq ataý bolýy kerek. Bul týraly  Qazaqstan prezıdenti Nursultan Nazarbaev «Qazaqstan» arnasyna bergen suhbatynda aıtqan. Bul týraly «Qamshy» portaly nur.kz saıtyny silteme jasaı otyryp habarlaıdy.

 «Uly Dala» uǵymy – baıaǵydan bar uǵym. Deshti Qypshaq degen sóz qypshaqtyń dalasy degen sóz. Uly Dala uǵymyna mynaý Altaıdan Qara teńizge deıingi dalany ataıtyn bolǵan. Onyń negizgi aýmaǵy – bizdiń qazaqtyń jeri. Bizdiń dalamyzda ken de bolǵan, temir de bolǵan, qolóner de bolǵan, bári bolǵan», – dep atap ótti memleket basshysy.

Osy oraıda prezıdent mundaı uǵymnyń kóptegen elderde bar ekendigin atap ótip, japondar kúnshyǵys elimiz, qytaılyqtar aspan asty elimiz, kárister tańǵy shyq elimiz dep sanaıtyndyǵyn mysalǵa keltirdi.

«Bizde de sondaı uǵymmen teńestiretin bolsaq, bizge «Uly Dala elimiz» dep aıtqan keledi. «Uly Dala» men «Kók aspan» dep te aıtýǵa bolar edi. Keń dala –  bizdiń jerimiz. Osy jerde biz turyp jatyrmyz, ósip jatyrmyz, órkendep jatyrmyz, urpaq asyrap jatyrmyz. Osy jerde memleketimizdi quryp, ony shańyraǵyn bıik qylyp, kók týdyń astyna jınalyp jatyrmyz. Bizdiń baıraǵymyzdyń ózinde kók aspan, jarqyrǵan kún beınelengen», – dedi Nazarbaev.

Prezıdent Qazaqstan ataýy búgingi kúni barsha álem halqyna tanylǵan ataý bolyp otyrǵandyǵyn basa atap ótti.

«Biraq biz halyqtyń ishinde uly dalanyń urpaǵymyz desek, kelip turǵan sıaqty. Ol halyqtyq ataý bolýy kerek», – dedi elbasy.

Nurzat Toǵjan