Shymkent qalasy densaýlyq saqtaý basqarmasynyń basshysy Baqytjan Pozılov instagram paraqshasynda juqpaly aýrýlar gospıtalinen vıdeo jarıalady.

Onyń aıtýynsha, “Asar” shaǵyn aýdanyndaǵy qalalyq juqpaly aýrýlar aýrýhanasyna koronavırýs juqtyrǵan naýqastar jatqyzylady.

– Jansaqtaý bóliminde kóbi 40, 30 jáne 25 jastaǵy naýqastar óte aýyr jaǵdaıda jatyr, – degen Pozılov halyqty koronavırýsqa qarsy vaksına salýǵa shaqyrdy.

– Barlyqtaryńyz ómirlerińizdi qaýip-qaterge tikpeı, erterek koronavırýsqa qarsy vaksına salýǵa shaqyramyn. Qazirgi tańda Shymkent qalasyndaǵy barlyq emhanalarda koronavırýsqa qarsy “Spýtnık-V” vaksınasıasy tegin salynyp jatyr. Mindetti túrde vaksına salyp alyńyzdar, – dedi ol vıdeoda.