Shaǵyn jınaqty mektep pedagogter jalaqysyn jańasha tóleý júıesine kóshirý josparlanyp otyr. Bul týraly úkimet otyrysynda bilim jáne ǵylym mınıstri Asqat Aımaǵambetov málimdedi. 

– 2025 jylǵa qaraı aýyl mektepterin bilikti pedagogtermen 100 paıyz qamtamasyz etýimiz qajet. Osy turǵyda shaǵyn jınaqty mektepterdegi pedagogter jalaqysyn jańasha tóleý júıesine kóshirýdi josparlap otyrmyz, – dedi Aımaǵambetov.

Mınıstr aýylǵa jumysqa kelgen jas mamandardy yntalandyrý úshin jumysty óteý merzimin qysqartý qarastyrylyp jatqanyn aıtty.

– 2021 jyldan bastap 18 saǵattyq júktemeden 16 saǵattyq júktemege, 2024 jyldan bastap jańa júıege kóshýimiz qajet. Sonymen qatar aýylǵa jumysqa kelgen qalada oqyǵan jas mamandardy yntalandyrý úshin jumysty óteý merzimin qysqartý, al oqýshylar úshin "Sıfrlyq repetıtor" jobasyn engizý qarastyrylyp jatyr, – dedi ol.