«Nur Otan»-da el turǵyndarynyń túıindi máselelerin sheshý úshin qandaı naqty áreketter jasalýda? Búgin partıada osy týraly aıtyldy. Partıa músheleri – ortalyq jáne jergilikti atqarýshy organdardyń basshylary 11 myńnan astam azamatty qabyldaǵan. Jyl basynan beri el boıynsha partıanyń qoǵamdyq qabyldaý bólmelerine 60 myńnan astam ótinish tústi.

Partıanyń baspasóz qyzmeti atap ótkendeı, turǵyndar «Nur Otan» partıasyna túrli máselelermen keledi. Olardyń arasynda joldardyń bolmaýy men jóndelýine, aýlalardy abattandyrýǵa, tipti nurotandyqtardyń ózderine de qatysty shaǵymdar bar.

Máselen, Túrkistan oblysy Túlkibas aýdanynyń turǵyndary kásipker jáne «Nur Otan» partıasynan aýdandyq máslıhattyń depýtaty A.Saparovtyń is-áreketine narazylyq bildirgen. Depýtat ózi jekeshelendirip alǵan «Jıenbaı» kanalynan ózgelerge sý bermeı qoıǵan.

Partıalyq baqylaý komısıasy uıymdastyrǵan tekserý barysynda bul derek rastaldy. Aýdandyq fılıal Saıası keńesi búrosynyń sheshimimen partıanyń Ádep kodeksin buzǵany úshin A.Saparov «Nur Otan»-nyń qatarynan shyǵarylyp, depýtattyq mandatynan aıyryldy. Oblystyq partıa fılıalynyń málimetinshe, aýdandyq prokýratýra «Jıenbaı» kanalyn memlekettik menshikke alý boıynsha sotqa talap aryz berilmek.

Al Qyzylorda oblysy Syrdarıa aýdanyndaǵy Naǵı İlıasov atyndaǵy aýylda turǵyndar kerisinshe, oblystyq máslıhattyń jergilikti depýtatyna alǵystaryn bildirgen. «Nur Otan» fraksıasynyń múshesi Maǵjan Eralıev óz qarajatyna aýylda jańa sport alańyn salyp, balabaqshaǵa jıhaz satyp alyp, zeınetkerlerge tegin qyzmet kórsetetin áleýmettik shashtaraz ashqan.

Osylaısha, «Nur Otan» depýtaty kólemi 900 sharshy metr bolatyn balalar oıyn alańyn abattandyrýǵa 15 mln teńge bólgen. Buqaralyq sportty damytý úshin arnaıy «Street workout» jabdyqtary, al búldirshinder úshin kóp deńgeıli balalar syrǵanaqtary satyp alyndy. Munymen qosa jastar úshin fýtbol jáne basketbol alańdary bar. Halyq qalaýlysy aýyldaǵy balabaqshaǵa jıhaz, seksıalyq shkaftar, oryndyqtar men ústelder satyp alýǵa 2,3 mln teńge jumsaǵan.

Mańǵystaý oblysynyń Tushshybek aýylynda mektepke barar jolda balalar tereń jyrany aınalyp ótýge májbúr edi. «Nur Otan» partıasynan oblystyq máslıhattyń depýtaty Nurpeıis Sársenbaı oqýshylar úshin mektepke baratyn joldy qaýipsiz etý úshin óz qarajatyna jaıaý júrginshi kópirin saldy.

Shymkentte Abaı aýdanyna qarsty Yntymaq-2 shaǵyn aýdanynyń turǵyndary asfálttalǵan joldyń joqtyǵyna shaǵymdanǵan. Negizgi kóshelerdiń birinde aýa raıy ashyq kúnniń ózinde júrý ońaı bolmady, al jańbyr nemese qar jaýǵanda bul jermen júrý tipti múmkin emes edi. Tek partıa músheleriniń aralasýynan keıin ǵana aýdan ákimdigi joldy jóndeý úshin jobalyq-smetalyq qujattama daıyndady. Búginde uzyndyǵy 7,6 km kósheni jóndeý jumystary aıaqtalyp, jol paıdalanýǵa berildi.

Tarazda «Nur Otan» partıasynyń qalalyq máslıhat depýtaty Janar Búrkitbaeva aty ańyzǵa aınalǵan surmergen, Uly Otan soǵysynyń qatysýshysy Ybyraıym Súleımenov atyndaǵy skverdiń qaıta jańartylýyna demeýshilik jasady. Munda abattandyrý jumystary júrgizilip, oryndyqtar men qoqys jáshikteri aýystyryldy, eskertkishter men qorshaýlar boıalyp, tolyǵymen qalpyna keltirildi. Osy jumystarǵa halyq qalaýlysy 1 mln teńge bóldi.

«Nur Otan» partıasy turǵyndardyń ózderin mazalaǵan máseleler boıynsha Respýblıkalyq qoǵamdyq qabyldaý bólmesine myna baılanys nómirleri arqyly júginýge bolatynyn eske salady:

1. Call-ortalyq: 8 800 080 4441 (Qazaqstan boıynsha qońyraý shalý tegin);
2. WhatsApp: 8 700 800 4441
3. E-mail: komek@nurotan.kz

Sondaı-aq «Halyqqa kómek» jobasy aıasynda zańgerlermen, advokattarmen, medıatorlarmen jáne notarıýstarmen tegin konsýltatıvtik onlaın-kezdesýler uıymdastyrylǵan. Otbasy, áıelder jáne balalardyń quqyqtaryn qorǵaý jáne turmystyq zorlyq-zombylyqqa qarsy is-qımyl máseleleri boıynsha «111 shuǵyl qyzmeti» arnaıy baılanys ortalyǵy iske qosyldy.