Toqaev jergilikti atqarýshy organdarda sondaı-aq, ortalyq memlekettik organdarda aýqymdy túrde júzege asyrýdy tapsyryp, memlekettik qyzmetshilerdiń sanyn kezeń-kezeńimen qysqartý jáne memlekettik apparattyń uıymdyq qurylymyn ońtaılandyrý jumystaryn jalǵastyrý kerektigin aıtty. Prezıdent qurylymdy qaıta ózgertý nátıjesinde únemdelgen qarjyny eńbekaqy kólemin arttyrýǵa baǵyttaý mańyzdy ekenin atap ótti.
Prezıdent Qasym-Jomart Toqaev premer-mınıstr Asqar Mamınge memlekettik qyzmetkerlerdiń sanyn kezeń-kezeńmen qysqartý jumystaryn jalǵastyrý kerektigin aıtty.
2018 jyly memlekettik qyzmetshilerge eńbekaqy tóleý júıesiniń pılottyq rejımi iske qosylyp, oǵan Memlekettik qyzmet isteri agenttigi, Sybaılas jemqorlyqqa qarsy is-qımyl agenttigi, Ádilet mınıstrligi, birqatar óńirdiń ákimdikteri qatysqan.
"Júrgizilgen tájirıbeniń nátıjesinde jobaǵa qatysýshy memlekettik organdarda kadrlardyń almasýy 4,9 paıyzdan 3,5 paıyzǵa deıin azaıyp, memlekettik qyzmettiń tartymdylyǵy arta tústi (konkýrs 1 orynǵa 3,4 esege artty), ortalyqta jáne aımaqtarda eńbekaqy tóleý alshaqtyǵy 70 paıyzdan 16 paıyzǵa deıin qysqardy" dep málimdegen Asqar Mamın prezıdent qabyldaýynda bolǵanda.
Pikir qaldyrý