Qazaqstannyń bas sanıtar dárigeri Erlan Qıasov "Ashyq" jobasyna qatysty jańa qaýly qabyldady. 

Atalǵan qujatqa sáıkes mynadaı kásipkerlik obektilerde "Ashyq" jobasy iske asyrylsyn:

• ıoga ortalyqtaryn qosa alǵanda, fıtnes-klýbtary;
• spa-ortalyqtary;
• saýnalar, baseınder;
• PlayStation klýbtaryn qosa alǵanda, kompúterlik klýbtar;
• boýlıń klýbtary;
• kınoteatrlar;
• teatrlar men fılarmonıalar;
• asqana tıpindegi obektilerdi, strıt-fýdtardy qospaǵanda, qoǵamdyq tamaqtaný obektileri, jazǵy alańdar, fýd-korttar, banket zaldary;
• oblysaralyq jáne qalalyq turaqty emes (týrısik) tasymaldar;
• bılárd klýbtary;
• konsert zaldary;
• erikti qatysýshylar;
• karaoke;
• kórmeler;
• okeanarıým;
• marafondar;
• kórermender qatysatyn sporttyq is-sharalar;
• Nur-Sultan, Almaty, Shymkent jáne Túrkistan qalalarynyń áýejaılary;
• (2021 jylǵy 7 maýsymnan bastap) Aqtaý jáne Qostanaı qalalarynyń áýejaılary;
• lotereıa klýbtary jáne lotereıa satatyn ózge de oryndar;
• balalardyń (jabyq) oıyn-saýyq ortalyqtary;
• sırkter;
• otelder, qonaq úıler.

Sondaı-aq Nur-Sultan, Almaty, Shymkent qalalarynyń bas sanıtar dárigerleri:

• "Ashyq" jobasyna qatysatyn áleýmettik-ekonomıkalyq obektilerdiń qyzmetin shekteý ólshemsharttarynyń saqtalýyn baqylaýda ustaýy tıis;
• "Ashyq" jobasyn uıymdastyrýǵa jáne engizýge qoıylatyn talaptardy buzý faktileri boıynsha jobaǵa qatysýshylarǵa qatysty jáne shekteý, karantındik sharalardy buzýǵa jol bergen adamdarǵa qatysty ákimshilik yqpal etý sharalaryn qoldanýdy qamtamasyz etsin;
• qyzmet túrine tyıym salynǵan jáne ruqsat berý qujattary joq obektilerdiń qatysýyna jol bermeý.

Qaýlynyń tolyq nusqasy myna siltemede.