Jas tyńdarmandardyń nazaryna ilige bastaǵan ánshi Alısher Qaıratuly «Qamshy» redaksıasyna at basyn buryp edi. Oqyrmandarǵa ánshimen órbigen áńgimemizdi usynamyz.
-Alısher, Qaırat Nurtas pen birlesken beınebaıanyńyz halyq qoshemetine ıe boldy. Qaırat Nurtaspen qalaı selbestik jasadyńyzdar?
- Bul joba osydan eki jyl buryn bolǵan. Dýet jazýǵa "Almaty túni" áni sebepker boldy. Men osy ándi Qaırat Nurtaspen oryndaýdy jón kórdim de, bul ándi oǵan birge shyrqaýǵa nıetti ekenimdi aıttym. Bul án alǵash Qaırat aǵanyń án keshinde oryndalǵan bolatyn. «Almaty túni» áni meniń ónerge kelýimniń alǵash bastamasy, baspaldaǵy retinde qalyptastyrǵan án bolyp qaldy. Ol án kúz mezgilinde shyqqanymen, taralymy, tyńdarmany kóp bolǵan soń, beınebaıandy jaz mezgilinde túsirdik. Bir qyzyǵy, biz beınebaıandy túsirý barysynda jańbyr kún saıyn jaýyp, kedergi keltirip turdy. Biraq, beınebaıan óz deńgeıimen sátti shyqty.
- Sózińizdi Qaırat aǵa dep sabaqtap otyrsyz, siz odan qansha jasqa kishisiz?
-Men 1997 jyly 18 qańtarda Taldyqorǵan qalasynda dúnıege kelgenmin.
-Sizdi stýdent dep estip edim...
- Qazirgi tańda Ál-Farabı atyndaǵy QazUÝ-de "Quqyq" fakúltetinde bilim alyp jatyrmyn. Al, óner jaǵyna keletin bolsaq, bı jáne vokal jaǵynan mamandardan sabaq alyp júrmin.
- Osy ýaqytqa deıin qandaı jetistikterge jettińiz?
- Osy ýaqytqa deıin kishigirim jetistikterge eńbegimniń arqasynda qol jetkizip kelemin, alda talaı belester bar solardy baǵyndyram dep oılaımyn.
- Án keshin ótkizip kórdińiz be?
- Almatyda 3 ret konsertimidi berdim. Otanymyzdyń qalalaryn da aralaýdy bastaǵan bolatynmyn. Osy ýaqytqa deıin 50 shaqty konsertimdi ótkizip úlgerdim.
- Jas bolsańyz da, jetistigińiz mol eken. Biraq, jylt etip shyqqan jastardyń barlyǵy ultqa eńbek etse degen nıetimiz bar. Sizde ulltyq múdde bar ma? Álde sahnalyq óner ıelerin, onyń ishinde jas estradashylardy bul múddeniń tóńiriginen baıqaý múmkin emes pe?
- Onyń bári aldaǵy ýaqyt enshisinide, ult úshin jaqsy materıaldar, josparlar jasaımyn, barymdy berem dep oılaımyn. Aryq aıtyp semiz shyq deıdi ǵoı. Men , men dep keýdeni kerip tastap, erteń kúlkige qalǵym kelmeıdi.
- Renjimeńiz, biraq, siz óner ortasynda asa tanymal emessiz. Bul endi meniń oıym ǵoı. Al siz qalaı oılaısyz, múmkin men qatelesip otyrǵan bolarmyn.
- Men ózimdi tanymaldyǵym jaıly aıta almaımyn. Halyq bárin ózderi saralap, óz qalaýlaryn ózderi tańdaıdy.
- Óner jolynda alǵa qoıǵan maqsatyńyz qandaı?
- Óner jolynyń bastaǵan soń, sońyna deıin jetkizemin. Jaqsy beınebaıandar men jaqsy ánderimmen qýantamyn.
- Otbasyńyz jaıly jáne de jeke ómirińiz haqynda aıtyp ketseńiz?
- Otbasymyzda 6 janbyz. Ákem, anam, aǵam-Arken, ekinshisi - men, odan keıin Abylaı inim, sosyn týǵanyna bir jas bolǵan kishkentaı qaryndasym bar. Jeke basyma keletin bolsam-basym bos.
- Keshe ǵana áriptesińiz Asha Mataı úndiniń stılinde qyz ǵumyrymen qoshtasqan keshin ótkizgen. Qazaqy qundylyǵy joq basqanyń saltyn dáriptegen ánshini ınternettegi paraqshasynda tyńdarmandary synnyń astyna alǵan bolatyn. Osyndaı ulttyq ónerdi kómeskileýdiń kórinisine sizdiń aıtaryńyz bar ma?
- Ár adamnyń jan qalaýy bar. Bir jaqty pikirmen kózqaras tanytýǵa bolmaıtyn shyǵar.
- Qazir demeýshińiz (prodússerińiz) bar ma?
- Prodússerim joq. Demeýshi degen ol qarjylyq jaǵynan qoldaý kórsetetin adam. Al menimen dırektor, pıar menedjer, admınstrator sol qatarly adamdar jumys jasaıdy. Qarjylaı kómekti jobama qaraı dostarym jasaıdy.
- "Shoý bıznes" dep jatamyz ol bólek, "toı bıznesińiz" qalaı? Tabar tabysyńyz qanshalyq? Devalvasıa toı bıznesińizge áserin berip jatyr ma?
- Árıne, ár ánshiniń 80% tabys kózi toıdan keledi. Qazir devalvasıaǵa baılanysty baǵany túsirdik. Devalvasıa tek qana bizge emes, baǵanyń kóterilýi, azyq-túliktiń qymbattaýy - barsha halyqqa áser etip jatyr.
- Ónerdegi úlgi tutaryńyz kim?
- Qazaqstanda "MýzaAt" tobynyń ánshisi Meırambek Bespaev syndy el alqaýyna bólengen aǵalardan úırenerim kóp. Al, shetelde DJastın Tımberleık qatarly ánshilerdi úlgi tutamyn.
- "Potomý chto, Shymkentskıı" fılminde óz prodússerlik qyryńyzben tanylǵan bolatynsyz. Osy fılm týraly aıytyp ketseńiz? Halyq arasynda fılmge suranys qandaı boldy?
- Meniń ánshilik qyrymnan da, akterlik qyrymnan da bólek bul fılm eń alǵashqy jobam boldy. Meniń osy fılmdi túsirgen komandam jaqsy bolǵan soń da, bul fılm jaqsy nátıjemen shyqty. Halyq zor iltıpatymen qabyldady. Qarjy jaǵyna keletin bolsaq, seriktestiktiń arqasynda qarjylyq jaǵynan kómek boldy. Biraq fılmge ketken shyǵynnyń úsh esesin fılm ózi qaıtaryp aldy.
- Suhbattasqanyńzǵa raqmet! Ónerińizge shyǵarmashylyq tabys tileımin!
- Sizge de rahmet!
Suhbattasqan Gúlden Ábdibaqyt
