Aqtóbe oblysynyń Qobda-Oıyl tasjolyndaǵy jol apatynan qaıtys bolǵan mektep dırektorlarynyń sýretteri jarıalandy.

Osydan 2 kún buryn Aqtóbe oblysynyń Qobda-Oıyl tasjolynda iri jol apaty bolǵan. Oıyl aýylynan Qobda aýylyna qaraı júrip kele jatqan Toyota Land Cruiser Prado kóliginiń júrgizýshisi jol qozǵalysy erejesin buzyp, kólikti basqara almaı qalǵan.

Kólikte 4 mektep dırektory bolǵan. Olar Oıyl aýdanynyń qasıetti jerlerine demalýǵa baryp, demalystan úılerine qaıtyp kele jatqanda jol apatyna ushyraǵan. Sapar jumys sapary bolmaǵan.

Kóliktiń rólinde bolǵan qalalyq №33 mekteptiń dırektory Almıra Oraqova men №20 mekteptiń dırektory Baǵdat Urynbaeva oqıǵa ornynda jan tásilim etti. Baǵdat Urynbaevanyń sońynda eki qyzy qaldy. Al Almıra Oraqova turmysta bolmaǵan. Marqumdar erteń jer qoınyna tapsyrylady.

№25 mekteptiń basshysy men jańa orta mekteptiń basshysy Oıyl aýdandyq aýrýhanasynda jatyr. Biri aýyr halde. Búgin olardy Aqtóbege ákelý úshin sanavıasıa ushaǵy ketti.

Oqı otyryńyz: Aqtóbede 2 mektep dırektory jol apatynan kóz jumdy

Jol apatynan zardap shekken mektep dırektorlarynyń jaǵdaıy anyqtaldy