Qazaqstannyń bir óńirinde karantın kúsheıtildi

/image/2021/06/28/crop-2_29_446x595_2021_05_27_crop-90_11_706x941_b200c0346a6ec3d2.jpeg

Qaraǵandy oblysynyń bas memlekettik sanıtar dárigeri jańa qaýlyǵa qol qoıdy. Bul týraly oblystyq sanıtarıalyq-epıdemıologıalyq baqylaý departamenti habarlady.

Qaýlyǵa sáıkes:

• adamdardyń jappaı jınalýyna baılanysty is-sharalardy (merekelik, sporttyq-buqaralyq, oıyn-saýyq, mádenı-buqaralyq is-sharalardy, konferensıalardy, semınarlardy, kórmelerdi, forýmdardy, sondaı-aq otbasylyq ataýly is-sharalardy) úıde jáne adam kóp jınalatyn ózge de jerde ótkizýge tyıym salynady;

• qyzmeti jańartylmaǵan obektilerge (bılárd, karaoke, boýlıń-ortalyqtar, batýttar, kompúterlik klýbtar, býkmekerlik keńseler) barýǵa tyıym salynady.

Sondaı-aq qoǵamdyq oryndarda ashyq aýada bolǵan kezde betperde kıý, áleýmettik qashyqtyqty saqtaý jáne antıseptıkterdi paıdalaný jóninde qatań talap qoıyldy.

Respıratorlyq ınfeksıanyń alǵashqy belgileri (murynnan sý aǵýy, túshkirý, temperatýra) paıda bolǵan kezde 103 nómiri boıynsha jedel járdem shaqyryp, úıden medısınalyq kómek alýǵa  bolady.

Sonymen qatar jerleý is-sharalaryn ótkizý kezinde keminde eki metr qashyqtyq saqtalyp, 10-nan asa adam jınalmaýy kerek.

Qujatta 65 jastan asqan adamdarǵa eldimekender men qoǵamdyq oryndar boıynsha júrip-turý shekteletini jazylǵan.

Qaýlynyń tolyq mátini myna jerde.

Qatysty tegter :

Pikir qaldyrý

Qatysty Maqalalar