Nur-Sultan qalasynyń turǵyny Álıa Ábdibaıytova áleýmettik jelidegi paraqshasynda ǵaryshker Talǵat Musabaev byltyr qysta Trıatlon parkinde aýtızmmen aýyratyn balasyna ursyp, balaǵattaǵanyn aıtty.
– Qysta Trıatlon parkinde ıtpen qydyryp júrgen Ámirge er adam agresıa kórsetken. Ol úıge kelgen soń beıtanys er adam oǵan ursyp, balaǵattap, ıterip jibergenin aıtty. Bul jaǵdaıǵa balanyń qolyndaǵy kishkentaı ıt sebep bolǵan, – dedi ol.
Aıtýynsha, uly Amır aýtızmmen aýyratyndyqtan er adamǵa durys jaýap bere almaǵan. Trıatlon parkine serýenge shyqqan saıyn ol bul oqıǵany esine alatynyn aıtty.
– Men Ámirdiń ótirik atpaıtynyn bilemin. Búgin qurbym Trıatlon saıabaǵynda ıtpen júrgen qyzǵa qatysty osy adamnyń qatysýymen bolǵan oqıǵa jazylǵan maqalany jiberdi. Men Ámirge osy adamnyń sýretin kórsettim, ol dál sol qysta ózin boqtap, ıterip jibergen adam osy ekenin aıtty, – dedi Álıa Ábdibaıytova.
Buǵan deıin 25 maýsym kúni Alına Nurtas áleýmettik jelidegi paraqshasynda saıabaqta haskı tuqymdas ıtimen serýendep júrgende Talǵat Musabaev ózine qol kótergenin aıtqan bolatyn. Al T. Musabaev qyzdyń taqqan aıybyn joqqa shyǵardy.
Posmotret etý pýblıkasıý v Instagram
Posmotret etý pýblıkasıý v Instagram
