2021 jylǵy qańtar men sáýir aralyǵynda eksporttalǵan kartop, ımporttalǵan kólemnen 2 eseden astam kóp. Bul týraly bloger Kırıll Pavlov paraqshasynda habarlady.
Bloger keden statısıkasyna úńilip, 2021 jylǵy qańtar men sáýir aralyǵynda Qazaqstan 5,5 mıllıon dollarǵa 68 820 tonna kartop eksporttaǵanyn, 6 mıllıon dollarǵa 28 764 tonna kartop elge ákelingenin aıtady.
Taýardyń basym bóligi, ıaǵnı 59 693 tonnasy Ózbekstanǵa jóneltilgen. Bul úshin Qazaqstanǵa 4,5 mln dollar qarajat tólengen. Sonda kartoptyń ortasha baǵasy 32 teńge bolyp tur.
Al negizgi ımporttaýshy elder qatarynda Pákistan (3,5 mln teńgege 16 824 tonna taýar, baǵasy kelisine 90 teńge), Iran (2,2 mln teńgege 10 474 tonna, baǵasy kelisine 90 teńge) bar.
Jyl basynan bergi 4 aıda eksporttalǵan kartop baǵasy 34,5 teńge, ımporttalǵan kartop 90 teńge bolǵan.
Qazaqstanda sońǵy ýaqytta kartop, sábiz sekildi áleýmettik mańyzy bar azyq-túlik taýarlarynyń baǵasy aıtarlyqtaı ósken. Úkimet muny byltyr ónimniń az shyǵýymen túsindirip, ońtústik óńirlerdegi alǵashqy jıyn-terin naýqany bastalǵan soń baǵa turaqtalatynyn aıtqan.
Pikir qaldyrý