Ýhan vırýsologıa ınstıtýty brıfıń ótkizip, koronavırýsty jasap shyǵarǵan degen aqparatqa baılanysty málimdeme jasady. Bul týraly RIA Novostı habarlady.

Ýhan ulttyq bıologıalyq qaýipsizdik zerthanasynyń dırektory Iýán Chjımın olar koronavırýsty eshqashan sıntezdemegen jáne jasap shyǵarmaǵanyn aıtty.

– Ýhan vırýsologıa ınstıtýty 2019 jyldyń 31 jeltoqsanyna deıin buryn-sońdy Kovıd-19-dy zerttemedi. Osy ýaqytqa deıin ınstıtýttyń birde-bir qyzmetkeri nemese stýdenti Kovıd-19-dy juqtyrǵan joq, – dedi Iýán Chjımın brıfıńte.

Zerthana dırektory vırýstyń qoldan jasalǵanyna baılanysty eshqandaı dálel joq ekenin de aıta ketti.

– Ǵalymdar arasynda "Kovıd-19  jasandy jolmen shyǵaryldy" degen aqparat bar. Biraq ol da áli kúnge deıin dáleldenbedi, – dep sózin aıaqtady ol.

Kovıd-19 2019 jylǵy jeltoqsan aıynyń sońynda Ýhan qalasynda tirkelgen. Osydan keıin BAQ-ta "koronavırýs Ýhan vırýsologıa ınstıtýtynyń zerthanasynan shyǵýy  múmkin"  degen túrli qaýeset tarady. Aqparattyń ras-ótirigin anyqtaý úshin Dúnıejúzilik densaýlyq saqtaý uıymynyń mamandary Ýhandaǵy zerthanaǵa baryp tekseris jasap, aqparatty rastaıtyn eshqandaı derek taba almaǵan.