Qazgıdromet 27-29 shildege arnalǵan aýa raıy boljamyn jarıalady.

Sınoptıkterdiń habarlaýynsha, aptanyń basynda Máskeý aýdandarynan keletin antısıklon eldiń kóp bóligine áser etedi. Salqyn aýa massalary áserinen kún salqyndaıdy, negizinen jaýyn-shashynsyz aýa raıy kútiledi.

"Túnde aýa temperatýrasy salqyn, al kúndiz qalypty bolady dep kútiledi. Al respýblıka aýmaǵyndaǵy aýa raıy tómen qysymdy alańǵa baılanysty ózgeredi. Osylaısha 28 shildede batys pen shyǵysta, 28-29 shildede Qazaqstannyń soltústiginde, soltústik-batysy jáne ońtústik jartysynda, 29 shildede ortalyqta kún kúrkirep, ekpindi jel soǵyp, ótkinshi jańbyr, sondaı-aq burshaq jaýady dep boljanady" delingen "Qazgıdromet" RMK habarlamasynda.

Eldiń soltústik-batysy men soltústiginde aýa temperatýrasy túnde 8-16, al kúndiz 17-30 gradýsqa tómendeıdi. Ortalyqta jáne shyǵysta túnde 8-18 gradýsqa deıin, kúndiz 22-30 gradýsqa deıin jyly bolady.