Nur-Sultan, Almaty, Shymkent qalasy jáne Atyraý, Qaraǵandy oblystarynda karantın sharalaryna ózgerister engiziledi. Bul týraly bas sanıtar dáriger Erlan Qıasov málimdedi.

Atalǵan óńirlerde 2 tamyzdan bastap tómendegideı sharalar engiziledi:

• ortalyq memlekettik organdardy, ákimdikterdi, quqyq qorǵaý organdaryn, densaýlyq saqtaý uıymdaryn, BAQ-ty, azyq-túlik dúkenderin, dárihanalardy jáne tirshilikti qamtamasyz etý uıymdaryn, menshik nysandaryna qaramastan, "Ashyq"-qa qatyspaıtyn barlyq kásiporyndar men uıymdardyń qyzmeti toqtatylady;
• oıyn-saýyq, sporttyq jáne basqa da buqaralyq is-sharalardy, sondaı-aq otbasylyq, estelik is-sharalardy ótkizýge tyıym salynady;
• memlekettik organdardyń (uıymdardyń), keńselerdiń, ulttyq kompanıalardyń jáne ózge de uıymdardyń qyzmetkerleriniń (vaksınasıalanǵan jáne sońǵy 3 aı ishinde aýyryp saýyqqan adamdardy qospaǵanda)  80%-y úshin qashyqtan jumys isteý nysany saqtalady;  

"Ashyq" jobasynan tys:

• qurylys jumystaryn júrgizýge;
• ónerkásiptik kásiporyndardyń qyzmetine;
• týrısik kompanıalardyń, bıznes ortalyqtardyń, qyzmettiń jekelegen túrleriniń qyzmetine;
• qoǵamdyq tamaqtaný obektileriniń tek alyp shyǵýǵa jáne jetkizýge arnalǵan qyzmetine ruqsat etiledi.

Sonymen qatar 9 tamyzdan bastap ınfeksıalyq tósek-oryndarynyń toltyrylý kórsetkishi 70%-dan joǵary jáne tósek-oryndardyń  toltyrylý kórsetkishi 100 myń turǵynǵa shaqqanda 200-den joǵary bolǵan kezde ("qońyr-qyzyl" aımaq) "Ashyq" kóshbasshylary mártebesi bar obektilerge 00.00 saǵatqa deıin, joba boıynsha jumys isteıtin ózge de obektilerge saǵat 22.00-ge deıin jumys isteýge ruqsat etiledi.

2 tamyzdan bastap "qońyr-qyzyl" aımaqta ákimdikterdi, quqyq qorǵaý organdaryn, densaýlyq saqtaý uıymdaryn, BAQ-ty, azyq-túlik dúkenderin, dárihanalardy, "Ashyq" jobasyna qatysýshylardy qosa alǵanda, menshik nysandaryna qaramastan, barlyq kásiporyndar men uıymdardyń qyzmeti demalys kúnderi toqtatylady.