Túrkıanyń soltústik jaǵalaýynda qatty jaýyn-shashynnyń saldarynan sý tasqyny bolǵan. Nátıjesinde kópir qırap, 12 aýyl jaryqsyz qaldy, dep habarlady Reuters saıty.
Saıttyń málimetinshe, Soltústik Bartın provınsıasynda bir adam ınfarkttan qaıtys bolǵan. Saldarynan 12 aýylda elektr qýaty úzilip, on úsh adam jaraqat alǵan. Tótenshe jaǵdaılar qyzmetkerleri tasqyn kezinde joǵalǵan adamdardy izdestirý jumystary bastalǵanyn habarlady.
Al Sınop provınsıasynda Bartınnen shyǵysqa qaraı 150 mıl (240 km) jerde sý tasqyny saldarynan úı qulap, kólikter sýda qalyp ketken.
Saqtyq sharasy retinde aýdandaǵy turǵyndar, aýrýhanalarǵa evakýasıalandy.
Eske sala keteıik, shilde aıynyń sońynda Túrkıanyń kýrortyq aımaǵy Antalıanyń Manavgat aýdanynda orman órti bolǵan. Saldarynan 50-den astam adam túrli deńgeıde jaraqat alyp, eldiń ońtústigindegi alty aýdannyń turǵyndary túgel evakýasıalanǵan
Jergilikti bıliktiń málimdeýinshe, órttiń órshýine aptap ystyq pen uıytqyǵan jel sebep bolǵan.
Pikir qaldyrý