Shymkent qalasy boıynsha turǵyn úı kezegindegi azamattar úshin «Nurly jer» memlekettik baǵdarlamasy aıasynda «Shańyraq» baǵyty arqyly nesıelik baspanaǵa ótinimder qabyldaý aǵymdaǵy jyldyń 13 tamyz kúni saǵat 10:00 den 23 tamyz saǵat 23:00 aralyǵynda júrgiziledi.

«Shańyraq» baǵdarlamasy boıynsha tikeleı satylym Otbasy banktiń jańa portaly baspana.otbasybank.kz saıtynda júrgizilmek. Ótinishter tek turǵyn úı kezeginde turǵan azamattardan qabyldanady. Atalǵan baǵyt boıynsha alǵashqy jarna páter qunynyń 10% quraıdy, nesıe jyldyq syıaqysy 5%-ben beriledi. Baspana qunynyń 1 sharshy metri 200 000 teńgeni quraıdy.

Aıta ketý kerek, atalǵan baǵyt boıynsha aǵymdaǵy jyly 27 turǵyn úılerdegi páterlerdi satý úshin «Otbasy bank» óziniń ınternet resýrstary arqyly turǵyn úı kezeginde turǵan azamattardan 3 kezeńmen ótinimder qabyldaǵan bolatyn.