Almaty oblysyna qarasty Kemertoǵan aýylynyń aınalasyndaǵy órt sóndirilip jatyr. Turǵyndar "Qamshy" redaksıasyna habarlasyp, Qaskeleń qalasynyń órt sóndirýshileri kómekke kelgenin aıtty.

Kemertoǵandyqtar búgin ǵana órtti sóndirýge Qaskeleńniń 4-shi kanalynan eriktiler jumyldyrylǵanyn aıtyp, alǵystaryn bildirdi.

"Búgin ǵana órtti óshireıin dep jatyr. Órt sóndirýshiler tańerteń kelgen. Túski asyn da, sý da ishpegen. Úsh kún boıy óshpeı turǵan órtti osylar óshirip jatyr" deıdi aýyl turǵyny.

Buǵan deıin redaksıamyzǵa turǵyndar aýyl mańynyń 3 kúnnen beri órtke oranyp jatqanyn aıtyp, shaǵymdanǵan. Ákimdik órtti sóndirýge ýáde berip, artynsha jumysty aıaqsyz qaldyrǵan. 3 kúnnen beri janyp jatqan órt aýmaǵy shamamen 5-6 gektar aýmaqty quraıdy.

Kemertoǵan: Alapat órt Qazaqstanǵa da jetti me? (vıdeo)